Rute 1:20 - Bhiblia Yo Sawuleka

²⁰ Aniko ene a ti ti va gela ku khene: “Mi nga ni dhaneni ku ni Nowemi; ni dhaneni ku ni Mara, nguko awu wa Mtamo-wotshe a ni ningile sixaniso sa hombe.

Rute 1:20 Referans Kwoze

Jobe 6:4

Nguko na fulwa ngu tingove ta wule wa Mtamo-wotshe, se moya wangu wa setwa wuxungu wa tona wo hisa; ni kuhenya ka Txizimu ka ni xomela matxhari.

Vahebheru 12:11

Kha ditshuri, kotshe kutsayiswa kha ku tekeli kuwoneka ti to njimaha txo tsakisa, aniko kuwonekisa ku nga ngu xaniswa. Kambe msana ka mbimo, ka vale va nga gondiswa toneto, kuninga mihando ya kudikha ni ya kululama.

Isaya 38:13

Ani ni thuthile kala mabimbi-kutxa, kufana ni ngonyamo, u funyile otshe marambu angu; kukhukhela ka mixo kala minova u na ni heta.

Masalmo 88:15

Kukhukhela ha wananani kwangu ni hanya ngu kuxaniseka ni kupandiseka; ni txi timisela sikarato so thisa sa kuhenya kwako.

Masalmo 73:14

Ditshiku ni ditshiku ni wo xaniseka; mixo ni mixo ni wo tsayiswa.

Jobe 19:6

Ti ziveni nkonku taku, Njizimu txi nga ni poyila, se txi ni ranganyeta ngu likoka la txona.

Jobe 5:17

Wona taku a katekile wamwamna wule a tsayiswako ngu Txizimu; sekoko u nga kanyise txitsayiso txa wule wa Mtamo-Wotshe.

Jobe 11:7

Ina u na manela tinzila ta Txizimu, uza u hokela kuhetelelani ka wa Mtamo-wotshe kani?

Eksodha 6:3

Ni humelete ka Abrahamu, ka Isaake ni ka Jakobe ni di Txizimu txa Mtamo-Wotshe; aniko ngu ditina dangu, ani Mkoma, kha na ti zivekisa ngu dona.

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Mtuletelo 21:22

Kha na wona dithepele ni da dimwedo didhoropani, nguko Mkoma Txizimu txa mtamo wotshe ngu ngene i ku dithepele da kona, kumweko ni Txinvutana.

Mtuletelo 1:8

Ani ngani Alfa ni Omega, kha Mkoma Txizimu, awu a kuho, awu a nga ti ho, awu a tako, awu i ku nyamne wa mtamo.

Eksodha 15:23

Sekoko va to ya hoka ka wukhalo wu wu dhanwako ku i Mara, kha va sikota kusela mati ale ma nga ti ti ho konaho, nguko ma txi bava. Ngu mhaka ya toneto wukhalo wonewo wu ti dhanwa ku i Mara.

Jobe 9:18

Txizimu kha txi ni tumeli ni kuhefemula; aniko txa ni tata ngu kubava.