Rute 1:17 - Bhiblia Yo Sawuleka

¹⁷ Ni hayi u no fela kona, ni na fela konaho nani, kambe ni na tshotshwa konaho; Mkoma a na ni rumele txitsayiso, ngako ni txi tumela kuhambaniswa ni nawe, ngako ni txi hambana ni nawe ngu yimwani mhaka, na i si nga ngu lifo.

Rute 1:17 Referans Kwoze

1 Samuwele 3:17

Se Eli a to khene: Dipswi muni di a nga kugela kani? Na ku kombela ti to u nga ni sisele; aniko Txizimu txi na mahe eto kwako ni ti timwani to tala, ngako u txi ni sisela mhaka yokari ka totshe timhaka tile txi nga kugela.

2 Vafumeli 6:31

Se mfumeli a to peka huwa na a txi khene: Txizimu txi na ni daye, ngako di txiza diswa ni si se wila msungo wa Elixa, mwana Sefate!

1 Vafumeli 2:23

Se mfumeli Solomoni a to xambanya ngu Mkoma, a txi khene: “Txi na ni mahe toneto Txizimu, ni kupinda, ngako Adhoniya a sa womba toneto ngu wutomi wakwe.

2 Samuwele 19:13

Se ka Amasa, mi na khanu: Ina hi ngawe dirambu dangu ni nyama yangu kani? Txizimu txi na ni mahele ni tihi, ngako u si mahi mthangeli wa wugovelo masoni kwangu yotshe mbimo, ka wukhalo wa Jowabhi.

1 Vafumeli 20:10

Se Bheni-Hadhadhe a to va rumela kwakwe, kuya womba tiya: Si na mahe kuranda ngu ngani sizimu, ati to lithulu la votshe vathu va Samariya, kha li na mbi tata manza a vathu vale va ni londisako.

1 Samuwele 25:22

Ngu toneto, Txizimu txi na mahe ni kuengeta ka valala va Dhavhidha, ngako ni txo siya wa mfana mmweyo ka sotshe si a ku naso kala ni mixo.

2 Samuwele 3:35

Sekoko vathu votshe va to ya khongotela Dhavhidha ku a txi dya sakudya, i di ngadi mitshikari, kambe Dhavhidha a to xambanya, a txi khene: Txizimu txi na mahe ni kuengeta kwangu, ngako ni txo thuka ni dya sakudya kumbe tximwani txokari, na ditambo di sanzi kuswa.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

1 Vafumeli 19:2

Sekoko Jezabheli a to ruma mtumi ka Elija, kuya khene: Si na ni tsayise ngutu sizimu ngako kala ka mbimo yo nga yona yiya, ni si ku dayi nga ti u nga va dayisa tona.

2 Samuwele 3:9

Ngu kumaha keto Txizimu txi na mahe ka Abhineri ni ka vamwani, nga tile Mkoma a nga xambanya ka Dhavhidha, ni na mmahisa toneto,

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Rute 1:16

Aniko Rute a to khene: U nga ni kurumete ti to ni kuleka, ni hambana ni nawe; nguko, ni hayi u no ya kona, nani ni na ya konaho, ni ha u no ya zumba kona wusiku wuwa, ni na ya zumba konaho; vathu vako, mbathu vangu, Txizimu txako, Njizimu txangu.

Rute 4:15

Ene a na va mmalateli wa moya wako, ni ku kuxayisa amu kukumbani kwako, nguko mane wako, awule a ku dhundako, a mvelekile, kambe Rute mbwa mnene kupinda mtxhanu wa vanana ni vambidi.”

1 Samuwele 14:44

Sekoko Sawule a to khene: Txizimu txi na mahe toneto ni kuengetela, nguko kha ditshuri u na fa, Jonatani.

1 Samuwele 20:13

Mkoma a na mahe toneto ka Jonatani ni kupinda; aniko ngako tate wangu a txi lava ku ku mahela to biha, ni na kuzivisa ni tona, kambe ni na kuleka u khukha, u tsula ngu kudikha; se Mkoma a nave ni nawe, ku nga kule a nga ni tate wangu.

2 Samuwele 15:21

Kambe Itayi a to xamula mfumeli, a txi khene: Hanya Mkoma, ni kuhanya mfumeli, nyamne wangu, ti to kotshe mu mfumeli, nyamne wangu, a noya kona, mwendo kufani, mwendo ngu hanyani, ngu ditshuri txithumi txako txi na va koneho.

1 Vafumeli 13:31

Se ku to maheka ati to, msana ka kuva a di mtshotshile, a to gela vanana vakwe a txi khene: Ngako ni txi fa, ni tshotsheni ka diyiva di a nga tshotshwa ka dona m'thu wa Txizimu; mi veka marambu angu kumweko ni marambu akwe,

Masalmo 45:10

Engisa, mwanangu, engisisa ti ni kugelako; divala va ka kwanu, ni mwaya wa tate wako,