Rute 1:14 - Bhiblia Yo Sawuleka

¹⁴ Sekoko va to engeta kuguleta mapswi awe, va txi dila; se Orpa a to pswopswa masale wakwe, e tshumelela ka va ka kwawe; aniko Rute a to londeta Nowemi.

Rute 1:14 Referans Kwoze

Mavingu 18:24

M'thu wu a ku ni vangana vavangi a nga ti tsakisa, kambe ku ni mngana wo thembeka ngutu kupinda mwanawe.

Matewu 16:24

Sekoko konaho, Jesu a to gela vagondiswa vakwe a txi khene: “Ngako m'thu a txi lava ku ni londisa, a na ti leke, e pakata txihambano txakwe, a txi ni londisa.

Matewu 10:37

“Awule a randako ngutu tate mwendo mame wakwe kupinda ani, kha ni faneli. Awule a dhundako ngutu mwanana wakwe wa mfana mwendo wa dihorana kupinda ani, kha ni faneli.

Vahebheru 10:39

Athu kha hi nga vathu va va tshumelelako msana, veya kulovani. Hi vathu va likholo, kasi ku hi txi hanyisa mimoya yathu.

Matewu 19:22

Ngako a txi engisa tiya, awule wa dijaha a to tsukula e khukha, nguko a ti ni tithomba.

Zakariya 8:23

A womba tiya Mkoma wa Mabutho a Tiyimbi: Ka ditshiku donedo, ku na maheka taku, digumi da vavamna, va totshe tidimi ta matiko, ve ñola ha ka mrungo wa txyambalo txa M'judha, va txi kha vona: Hi na tsula ni nanu, nguko ha tolovela kupfa taku, Txizimu txi ni nanu.

Isaya 14:1

Nguko Mkoma a na pfela wusiwana Jakobe, kambe a na sawula Israyeli, a txi mu veka ditikoni kwakwe. Valuveli va na va kumweko navo, va txi namarela ka nyumba ya va ka Jakobe.

Mavingu 17:17

Randa mngana wako yotshe mbimo, se ngu mbimo ya xomulo a na va mwananu.

1 Vafumeli 19:20

Sekoko a to leka tihomu, e tutuma e londeta Elija, a nje khene: Ni leke ni pswopswa tate wangu ni mwamwangu, ni na gwita ni kulondisa. Se Elija a to khene kwakwe: Tsula, u tshumela u wuya; nguko ni nga kutsimba ngu kutxani kani?

Dhewuteronome 10:20

Thava Mkoma, Txizimu txako, u txi mkhozela ene ekha, kambe namarela kwakwe u txi xambanya ngu ditina dakwe.

2 Timoti 4:10

Nguko Dhamasi, ngu kuranda sa mafu awa, a ni thavile e tsula Tesalonika, Kreseka a tsute Galatiya, ni Titosi a tsute Dhalmatiya.

Mithumo 17:34

Aniko vamwani vathu va to ti patanisa nayo, ve kholwa: Hagari kwawe ku ti ni Dhiyoniziyo muareyopago ni wamsikati wu a dhanwako ku i Dhamarisi ni vamwani kambe.

Genesisi 31:55

Kambe Labhani a to wuka ni mixo ya mabimbi-kutxa, a txi pswopswa vanana vakwe va majaha ni vamahorana, a txi va katekisa; se a to khukha e tshumelela ka wukhalo wakwe.

Genesisi 31:28

Kambe khwa ni leka ni txi pswopswa vanana vangu ni vatukulu vangu. Ngu ditshuri, ati u nga ti maha nda wuphukuphuku!

Dhewuteronome 4:4

Kambe anu mi nga tshuketa ka Mkoma, Txizimu txanu, nyamsi mi ngadi mi txi hanya motshe.

Rute 1:13

ina mi nga va rinzela kala va txi kula kani? Mi ndi na ti ñola mi si tekwi ngu vamwani vavamna kani? Ahim-him, vanavangu! Kuxaniseka kwangu nga hombe kupinda kwanu, nguko dianza da Mkoma di ni wuyisete wusiwana.

Rute 1:15

Sekoko Nowemi a to khene: “Wona, mtekwakuloni a tshumelete ka va ka kwawe, ni ka sizimu sawe; tshumela na nawe, u mlondeta.”

2 Samuwele 19:39

Ngako koko, votshe vathu va di txhatukile Jordhani, se mfumeli nene a di txhatukile, mfumeli a to pswopswa Bharizilayi e mkatekisa; se ene e tshumela eya ka wukhalo wakwe.

Rute 1:7

Ti di ngeto, Nowemi a to khukha ka wukhalo wule a nga ti ti ka wona, ni vamane vakwe vavambidi. Se va to tshumelela ditikoni ka Judha,

Rute 2:11

Se Bhowazi a to mxamula, a txi khene: “Ni xawutetwe kha kwati, ati u nga ti maha ka masale wako msana ka kufa ka mwamna wako, ti to u lekile tate wako ni mame wako, ni ditiko dile u nga velekwa ka dona, u txi ta ka vathu va u nga ti si va zivi.