Rute 1:1 - Bhiblia Yo Sawuleka

¹ Se ku to maheka taku, ka masiku a kulamula ka valamuli, kuhumelela nzala ditikoni; se wamwamna wokari wa Bhetlehema ka Judha a to rura eya ditikoni ka Mowabhi, ene ni msikati wakwe, ni vanana vawe vavambidi va vafana.

Rute 1:1 Referans Kwoze

Genesisi 12:10

Ka ditiko donedo ku to humelela nzala, se Abramu a to relela a txi ya Egipta, kasi kuya zumba kona, ngako nzala i nga ti ya hombe ha mafuni.

Genesisi 26:1

Ku to humelela yimwani nzala ditikoni, hahanze ka nzala yo khata, yi nga humelela ka mbimo ya Abrahama, se Isaake a to tsula Gerara ka Abhimeleki, mfumeli wa Vafilista.

Ezekhiyele 14:13

Awe mwanana wa m'thu, ngako ditiko dokari di txi ni onhela, di txi ni wukela ngutu, sekoko ni na nawuluta dianza ni txi di tsayisa, se ni na kengeta dipawu, ni na rumela nzala ka dona, ni na thavisa ka dona vathu ni sihari;

Valamuli 17:8

Se wamwamna wuwa a to rura didhoropani ka Bhetlehema wa Judha, kasi kuya luvela ni hani a no mana kuamukeleka; ngako a di hokile koko mmangoni ka Efrayime, a to tsimbila kala m'tini ka Mika,

Levhi 26:19

Nguko ni na heta kanu ya kutikulisa kwanu, ni maha ti to nzuma yanu yi txi fanana ni simbi, ni mafu anu me fana ni koporo.

Genesisi 43:1

Nzala yi to xanisa ngutu ditikoni.

Amosi 4:6

Ngu mhaka ya eto ni mi ningile kubasiswa ka makwasa, ka otshe madhoropa anu, ni kupwateka ka dipawu, ka otshe makhalo yanu; hambi keto, kha ma hundulukela kwanu, kuwomba Mkoma.

Masalmo 105:16

Txizimu txi vangile nzala txitimwi ka otshe mafu txi lovisile tithembwe totshe ta fulaho.

Dhewuteronome 28:38

U na dima u txi phaya mbewu yayingi thembweni kwako, aniko u na elula sa sidotho, nguko humbi yi na si heta.

Ezekhiyele 14:21

Nguko Mkoma Txizimu a khene: Ngutu-ngutu ni txi rumela valamuli vangu va mune va tshofu, ditxhari, nzala, sihari sa tshofu, ni mtungu, kona Jerusalema, kasi kuthavisa vathu ni sihari kani?

Jeremiya 14:1

Dipswi da Mkoma di tile Jerusalema xungetano ni nzala ngu mhaka ya txihala.

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

1 Vafumeli 18:2

Se Elija a to ya ti kombekisa ka Akabe; se ku di ni nzala yo thisa Samariya.

Valamuli 12:8

Se msana ka Jefta, Ibhisani, wa Bhetlehema, a to lamula va ka Israyeli.

2 Samuwele 21:1

Se ka masiku a Dhavhidha ku to maneka nzala mndani ka malembe mararu o londetelana; kambe Dhavhidha a to wotisa ka Mkoma, aniko Mkoma a to khene kwakwe: I mhaka ya Sawule ni nyumba yakwe ya wudayi, nguko va theketile mnoha wa Vagibheyoni.

Valamuli 17:7

Se ku ti tiho dijaha dokari da Bhetlehema ka Judha, wa lihunzu la ka Judha, i nga ti ti Mulevhi, na i ti muluveli.

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

1 Makronika 2:51

ni Salima tate wa Vabhetlehema, ni Harefi, tate wa Bheti-Gadheri.

1 Makronika 2:54

Vanana va Salima ngu vava: Bhetlehema, ni va ka Netofati, ni Atrothi-Bheti-Jowabhi, ni hafu ya Vamanati, ni Vazori.