Obhadhiya 1:9 - Bhiblia Yo Sawuleka

⁹ Se tindena tako, awe Temani, ti na dhukiswa, kasiku ngu mmangoni ka Esawu, ti txi dawa, yimweyo-yimweyo.

Obhadhiya 1:9 Referans Kwoze

Amosi 1:12

Ngu toneto, ni na veka mndilo kona Temani, se wona wu na tshokomisa tinyumba ta wukoma ta Bhozira.

Ezekhiyele 25:13

ngu tona eto, Mkoma Txizimu a khene: Ni na nawuluta dianza do wukela Edhomi, kambe ni na dayela kwakwe vathu ni sihari; kambe ni na di maha txiwula, kukhukhela Temani kala Dhedhani, va na dawa ngu ditxhari.

Jeremiya 49:22

Hi nga wonani ti to wata, a txi puruma ku nga digama, a na nawuluta tibhapi takwe txitimwi ka Bhozira; ni mbilu ya tindena ta Edhomi, ka dona ditshiku dile, yi na nga mbilu ya wamsikati wu a lumwako!

Genesisi 36:11

Vanana va Elifazi ngu vava: Temani, Omari Sefo, Gayetamu, Kenazi.

Jeremiya 49:20

Ngu toneto, pfanani sileleto sa Mkoma, asi ene a nga si emisela Edhomi; ni kuxuva kwakwe ngu vaaki va Temani: Ngu ditshuri ava vavadotho hagari ka tinvuta va na ndindwandindwa. Ngu ditshuri ku na fuviswa tinyumba tawe.

Jeremiya 49:7

Txisolo xungetano ni Edhomi. Mkoma wa Mabutho a Tiyimbi a womba tiya: Ku ngava ku si ngadi ni wutxhari Temani kani? Ina si lovile silayelo sa titxhari kani? Wu bhirete wutxhari wawe kani?

Jobe 2:11

Va di ti pfite koko vangana vararu va Jobe totshe to biha ti nga maheka txitimwi kwakwe, mmweyo ni mmweyo a tile ngu ka wukhalo wakwe: Elifazi Mutemani, ni Bhilidhadhe Musuwita, ni Zofari Munamani, va tshanganile ve ta mtsetsa ni ku mthavelela.

Obhadhiya 1:21

Se ku na wuka vahanyisi mmangoni ka Siyoni, ku ta thethisa va mmangoni ka Esawu; se wukoma wu na va wa Mkoma.

Amosi 2:16

Ditshiku da kona hambi ndena yi yi ku ni txixinya ka totshe, yi na tutuma i di tximbwiri, kuwomba Mkoma.

1 Makronika 1:45

Se ku to fa Jobhabhi, ka wukhalo wakwe kufuma Husamu, wa ditiko da Vatemani.

Nahume 3:13

Wona taku vathu vako, a va va ku hagari kwako, va na nga vavasikati; sike sa ditiko dako, si tulekile ka valala vako; mndilo wu na tshokomisa sikhoto sa tisimbi.

Dhewuteronome 2:5

mi nga va lwiseni, nguko kha ni na mbi mi ninga txilo txa ditikoni kwawe, hambi mpimo wa mkondo wumwewo wa ditiko dawe: Ngani ni nga ningela ka Esawu mmango wa Seyiri, wu maha thomba yakwe.

Obhadhiya 1:5

Ngako makhamba mwendo vahoxoti va txi ta ni wusiku (u hoxotilwe njani!) Ina kha va handi so tala ngutu kani? Ngako va txi ta kwako vahapheli va mauvha, ina va si siyi sizangwa sokari kani?

Habhakuki 3:3

Txizimu txi tile ngu Temani, se Msawuleki a tile ngu mmangoni ka Parani. Wudhumo wakwe wu fenengetile nzuma, se mafu ma tate ngu kudhumiswa kwakwe.