Obhadhiya 1:8 - Bhiblia Yo Sawuleka

⁸ Kambe kha ti na mbi humelela ka edo ditshiku, kuwomba Mkoma; dile ni no lovisa titxhari ta Edhomi, ni kupfana mmangoni ka Esawu kani?

Obhadhiya 1:8 Referans Kwoze

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Masalmo 33:10

Mkoma wa vhinganyisa makungo a matiko; ene wa va thindekisa kumaha makungo awe.

Isaya 19:3

Se moya wa Vaegipta wu na guma mtamo mndani kwawe; ani ni na hangalasa txikungo txawe, kambe vona va na ya wotisa ka sithombe sawe, ni ka vanyamsoro, ni ka vahuti, ni ka vanyatixolo.

Isaya 19:11

Ngu ditshuri, vathangeli va Zowani nziphukuphuku; txikungo txa titxhari ti i ku madhota a Faro, ti mahile timbongola, mi m'gelisa kutxani koko Faro: “Ina ni mwanana va titxhari, mwanana va vafumeli va kale kani?”

Isaya 19:12

Ti hani konkuwa titxhari tako kani? Ti na ku zivise konkuwa, mwendo ti na ku gele ati Mkoma wa Mabutho a Tiyimbi a nga tsanisa, kasi kuwukela ditiko da Egipta.