Obhadhiya 1:3 - Bhiblia Yo Sawuleka

³ Kutikulisa ka mbilu yako ku ku kanganyisile, kufana ni va va hanyako tiphakoni ka marigwi, ka dizumbo dako do guleka, u wombako mbiluni kwako ku khawe: I mani a no ni wisa ha mafuni kani?

Obhadhiya 1:3 Referans Kwoze

Jeremiya 49:16

Kasi ngu mhaka ya mathiselo ako, kutikukumukisa ka mbilu yako ku kuxengile. Awe u zumbako mibhalani ka marigwi, u manekako txitimwi ka mimango, hambi u txo guleta txisaka txako nga digama, ni na kukhundumusa koneyo, kuwomba Mkoma.

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Isaya 16:6

Hi pfite kutikulisa ka Mowabhi, wa ti kulisa ngutu, ni kutitsimba kwakwe ngutu, ni kutikukumukisa kwawe, ni kuhenya kwawe, kutikukumukisa kwawe nga walo.

2 Vafumeli 14:7

Amaziya a to daya 10.000 wa va ka Edhomi mkovani ka Mnyu, se e honyola didhoropa da Sela yimbini; a to di raya ditina daku i Jokiteli, kala ka ditshiku da nyamsi.

Malakiya 1:4

Hambi ku ngako Edhomi a txo womba a txi khene: Hi mahilwe sisiwana, ngu mhaka yeto, hi na tshumela hi aka marumbini, a womba tiya Mkoma wa Mabutho a Tiyimbi: Vona va na aka, aniko ani ni na hoxota, se va na va dhana ku Ditiko da Wubihi, ni Vathu vale Mkoma a nga va henyela ngu ha ku si gwitiko.

Jeremiya 49:4

Ngu kutxani u txi ti dhumisa mikovani, ka mikova yako yo tshura, awe mwanana wa txigevenga u thembako tithomba tako, u txi khawe:

Mavingu 18:12

Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

2 Makronika 25:12

Vanana va ka Judha va to ñola 10.000 wa vathu ve tsula navo mmangoni ka dirigwi, veya va rinza hahatshi, se votshe va to funyekela va txi fa.

2 Makronika 25:11

Amaziya a to tsana msana e thangela vathu vakwe, veya mkovani ka Mnyu; veya xasela 10.000 wa vanana va ka Seyiri.

Jobe 20:6

Hambi a ti laphike kuhoka nzumani, se msungo wakwe wu hoka marefuni,

Jeremiya 21:13

Hi nga wona, ni ni txisolo ni nawe wo zumba mkovani, awe dirigwi da libalani, kuwomba Mkoma; ni ni mhaka ni nanu mi ku khanu: I mani a no relela e ta hi wukela kani? I mani a no wulela dizumboni kwathu kani?

Jeremiya 37:9

Mkoma a khene: Mi nga ti kanganyiseni, mi txi khanu: Vakaldheya va na khukha hagari kwathu, nguko kha va na mbi khukha.

Jeremiya 48:28

Lekani madhoropa, tsulani mi txi ya zumba marigwini, anu mi zumbako Mowabhi; mahisani ku nga tile txituvani txi akisako tona txisaka txa txona, ha txikeni ka diphala.

Genesisi 36:8

Ngu mhaka yeto Esawu i ku Edhomi, a to aka mmangoni ka Seyiri.

Ezekhiyele 28:16

Ngu kutala ka wukwewu wako, mndani kwako ku to tala ngu timboyinga, se u txi onha; ngu kumaha keto ni na kutshotsha u dinyenyezile hahanze ka mmango wa Txizimu; kambe ni na kulovisa, awe dikerubhima do vhikela, hagari ka marigwi o phatimisa ku nga mndilo.