Obhadhiya 1:17 - Bhiblia Yo Sawuleka

¹⁷ Kambe mmangoni ka Siyoni ku nava ni vahuluki, se mmango wu na va wo sawuleka; va nyumba ya ka Jakobe va na teka tithomba tawe.

Obhadhiya 1:17 Referans Kwoze

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

Amosi 9:8

Wonani ti to maso a Mkoma Txizimu malwa ni mfumo wa sionho, se ani na wuhoxota wotshe txitimwi ka mafu; kambe kha ni na mbi hoxota nyumba ya Jakobe do gwita: Kuwomba Mkoma.

Joyeli 2:32

Se ku na maheka taku, votshe vale va no khumbuka ditina da Mkoma, va na hanyiswa; nguko mmangoni ka Siyoni ni Jerusalema ku na veho kuthuseka, madingano ni ti a khalako kuwomba Mkoma, ni ka vamwani ava Mkoma a no va dhana.

Joyeli 3:17

Se anu mi na tiziva ti to ani ngani Mkoma, Txizimu txanu, ni zumbako Siyoni, mmangoni kwangu ko sawuleka; kambe Jerusalema a na va msawuleki; vamatiko kha va na mbiswa ve pinda ngu ka kona.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Jeremiya 46:28

U nga thave, awe txithumi txangu Jakobe, kuwomba Mkoma, nguko ni ni nawe; nguko ni na heta otshe matiko ale ni nga kutshotsha ka ona; aniko awe kha ni na mbi kuhetisa, ni na kupeka ngu kupimela, kha ni na mbi leka ku kutsayisa.

Isaya 46:13

Na tshuketisa wululamo wangu, kambe kha wu na mbi va kule, ni kuhanyisa kwangu kha ku na mbi swela; aniko ni na veka kuhanyisa kwangu kona Siyoni, ni wudhumo wangu kona Israyeli.

Isaya 1:27

Siyoni a na hulukiswa ngu wululamo, ni vale va wuyelako kwakwe ngu kululama.

Zakariya 8:3

A womba tiya Mkoma: Ni na tshumela ni ya Siyoni, se ni na ya zumba hagari ka Jerusalema; se Jerusalema a na dhanwa ku didhoropa da ditshuri, ni mmango wa Mkoma wa Mabutho a Tiyimbi, wu na dhanwa ku mmango wo sawuleka.

Jeremiya 44:28

Se avale va no huluka ditxhari va na khukha ngu ditikoni ka Egipta va txiya ditikoni ka Judha, na i ti vadotho ngu mtengo; se yotshe misalela ya ka Judha yile yi nga wulela ditikoni ka Egipta, kuya luvela kona, yi na tiziva taku ngu kuhi kuwomba ku nga tatiseka, ngwangu mwendo ngwawe.

Jeremiya 44:14

Aha kaku kha ku na mbi huluka ni wammweyo e maneka didhawa e sala wa ka Judha a nga wulelela ditikoni ka Egipta, kuya luvela, kasi kuteka ditiko da ka Judha, adi a nga txi navelwa kutshumela eya zumba ka dona; kha va na mbi tshumela, hahanze ka vale va nga huluka.

Ezekhiyele 7:16

Kambe ku no huluka vonevo va no huluka, aniko va na va mimangoni, nga situvani sa mikovani, va txi dila, mmweyo ni mmweyo ngu mhaka ya wubihi wakwe.

Masalmo 69:35

Kha ditshuri, Txizimu txi na hanyisa Siyoni, txi txi aketa madhoropa a Judha, se va na wuya avale va nga ti tutumisilwe.

Isaya 4:2

Ka ditshiku dile, Dikhukhu da Mkoma di na tala ngu wudhumo ni kutshura; se mihando ya mafu nja, Vaisrayeli vale va nga sala.

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.

Isaya 65:9

Kambe ni na humisa lixaka ngu ka Jakobe ni ka Judha, txidya-thomba txa mimango yangu, se vasawuleki vangu va na ningwa ditiko, ni sithumi sangu si na zumba ka dona.

Jeremiya 31:23

Mkoma wa Mabutho a Tiyimbi, i ku Txizimu txa Israyeli, a khene: Mi ngadi mi txi na womba dipswi diya ka Judha ni madhoropani kwakwe, mbimo yi ni no heta wukhumbi wawe: Mkoma a na kukatekisa, awe m'ti wa kululama, awe mmango wo sawuleka!

Ezekhiyele 36:12

Ni na maha taku vathu vangu va ka Israyeli ve tsimbila-tsimbila txitimwi kwanu; vona va na kuteka, u na va thomba yawe, khu na mbiswa kambe u txi daya vanana vawe.

Dhaniyeli 7:18

Kambe va sawuleki va Nyatxitimwi va na amukela mfumo, kambe va na lumbwa ngu mfumo ngu ha ku si gwitiko, ni kala kupinduka ni kala kupinduka.

Joyeli 3:5

Mi tekile silivhela ni nzalama yangu, ni siya sangu so naveleka, ni kutshura mi txi si wuleta mathepelani kwanu.