Obhadhiya 1:14 - Bhiblia Yo Sawuleka

¹⁴ hambi kuema mahandakanyani, kasi kufuvisa avale va no huluka, mwendo kuningela va va no sala, ngu ditshiku da xomulo.

Obhadhiya 1:14 Referans Kwoze

Obhadhiya 1:12

Aniko awe u ti sa fanela kuwonetela ditshiku da mwananu, ka ditshiku da kuthaviswa kwakwe ditikoni, hambi kutsaka ngu vanana va ka Judha, ka ditshiku da kufuviswa kwawe; hambi kulaphisa txisofu txako, ka ditshiku da kupandiseka;

Amosi 1:9

Mkoma a womba tiya: Ngu kuhambunyeta kurarau ka Tiro ni ka wumune, na mbi thavisa txitsayiso, nguko va ningete totshe tikhumbi ka Edhomi, kambe kha alakanya txitumelelano txa vanawe.

Amosi 1:6

Mkoma a womba tiya: Ngu kuhambunyeta kuraru ka Gaza ni ka wumune, kha ni na mbi thavisa txitsayiso, nguko va yisile wukhumbini totshe tikhumbi, ve ti ningela ka Edhomi.

Jeremiya 30:7

Yowe! Ani sikwangu! Ditshiku diya da hombe, kha ku na dimwani do fana nado! Kambe i mbimo ya dikhombo ka Jakobe; hambi keto, ka dona, a na huluka.

Isaya 37:3

Se va to kha vona kwakwe: Mfumeli Ezekhiya a khene: “Ditshiku diya, ditshiku da xomulo ni kutxhipiswa, ni kuruketelwa; nguko vanana va hafuhi ni kuvelekwa, aniko kuwalo mtamo waku va txi velekwa.

Masalmo 31:8

khwa ni leka ni txi wa manzani ka mlala, u ni mahile ni txi hanya ngu kutxhatxheka!

Genesisi 35:3

Se a hi khukheni hi kwela kuya Bheteli; ni na ya aka kona txiluvelo ka Txizimu, atxi txi nga ni emela mbimo yi ni nga ti ti pandiseka, kambe txi ni pangalatile, ka nzila yi ni nga yi tsimbila.

Matewu 22:9

Ngu konaho, tsulani mi txi ya mahandakanyani ka tinzila, mi ya va dhana va txi ta m'busoni votshe vale mi no va mana.

Isaya 16:3

Teka wudhota, hi mahele wululamo, se veka mtsudi wako ni mitshikari wu txi nga wusiku; sisa vale vo tovelwa, u nga ningele vale va tutumako.

Isaya 16:4

Va na luvele kwako awe Mowabhi, vale va nga tovelwa, uva wuthavelo wawe masoni ka mxaseli; nguko m'thu wo xanisa a na va ni magwito; kukhundumuswa ka hangalaswa, se vaxanisi va mwalatwa ha mafuni.