Obhadhiya 1:12 - Bhiblia Yo Sawuleka

¹² Aniko awe u ti sa fanela kuwonetela ditshiku da mwananu, ka ditshiku da kuthaviswa kwakwe ditikoni, hambi kutsaka ngu vanana va ka Judha, ka ditshiku da kufuviswa kwawe; hambi kulaphisa txisofu txako, ka ditshiku da kupandiseka;

Obhadhiya 1:12 Referans Kwoze

Mika 4:11

Konkuwa ma sengeletanile matiko amangi me kuwukela, ma txi kha ona: A na nyenyeziswe, se maso athu ma na wona kunavela kwakwe txitimwi ka Siyoni.

Ezekhiyele 35:15

Ngako u nga tsakiswa ngu thomba ya nyumba ya ka Israyeli, ngu ku a nga mahwa dirumbi, ngu tona eto ni no kumaha; u na mahwa dirumbi, awe mmango wa Seyiri, ni dotshe ditiko da Edhomi, ina dotshe; se va na tiziva taku, ani ngani Mkoma.

Mavingu 17:5

Awule a sekako txisiwana a ruka wule a nga txi vanga; awule a tsakiswako ngu phango kha na mbi huluka kutsayiswa.

1 Samuwele 2:3

Mi nga andiseni mapswi o tikulisa, ni mapswi o ti guleta ma nga hume sisofuni kwanu; nguko Mkoma, Njizimu txa wutxhari, ene wa veka mithumo yathu ha txikaloni.

2 Pedro 2:18

Nguko, ngu kuwombawomba mapswi a kutiguleta, ni o mbi nyawula, va riyela ngu minavelo ya mmidi ni kukanganyisa, avale va nga ti ngadi kuhuma ka vale va hanyako kukanganyiswani;

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

Masalmo 37:13

Aniko Mkoma wa m'seka, nguko wa tiziva ti to masiku akwe ma komile.

Masalmo 31:18

Malata vathu va makuhu, nguko va womba kubiha ngu Txizimu txo sawuleka, txa kwa mbi na magwito, ngu kutiguleta ni kukanyisa.

Masalmo 22:17

Ni nga sikota kubala otshe marambu angu; valala vangu va ni wona, va txi ni ronolela.

Jobe 31:29

Ngako ni di tsakisilwe ngu kuxaniseka ka wule a ni vengako, ni ku mwendo ni bhumile mbimo yi a nga welwa ngu to biha,

Mtuletelo 13:5

Txi to ningwa txisofu kasi kuwomba mapswi o eyisa ni o ruka Txizimu, ni mtamo wo thuma mbimo ya kudingana mune wa magumi a mitxima ni mitxima yimbidi.

Jakobe 3:5

Kufana ni toneto, lidimi ni lona, hambiko i ku txihango txa txidotho txa mmidi, la ti dhumisa ngu mithumo ya lona ya hombe. Wonani mndilo wa wudotho, wu hisa txitinga txa hombe ngutu.

Luka 19:41

Ngako a di hafuhi, a to wona didhoropa e di dilela.

Sidilo 4:21

Tsaka ngutu, u tsaka awe mwanana wa muhorana wa Edhomi, u zumbako ditikoni ka Uzi, digombe di na hoka kwako; se u na leva, u sala u sa ambala txilo.

Isaya 37:24

Ngu sithumi sako, u sote Mkoma u txi khawe: Ngu sikotxikani sangu sasingi, ni kwelete titshokani ka mimango, madhawani ka Libhanoni; kambe ni na gangela mikedhari yakwe yo lapha, ni mikhure ya kona yo tshura, ni na hoka tshokani ka kona ko guleka ngutu, ka txitinga txa thembwe yakwe yo nona.

Masalmo 92:11

Ni va woni valala vangu ve xulwa, ni ti engisile tihuwa ta vale va nga ti lava ku ni wukela!

Masalmo 59:10

Txizimu, txi txi ni randako, txi nata kwangu, txi txi ni ninga kuwona kuxulwa ka valala vangu.

Masalmo 54:7

nguko u ni hulukisisile kuxanisekani kwangu; se maso angu ma wonile kuxulwa ka valala vangu.

Jobe 18:20

Ngu ditshiku da kona, va na xamala avale va nota, se avale va kale va na ndakandakiswa ngu kudhukiselwa.

Masalmo 35:15

Aniko mbimo yi ni nga humbwa, va to tshangana va txi ni seka; va to ni randela valala vangu, kasi ku ni lwisa, vathu vale ni si va ziviko va to ni peketela va si karali.

Sidilo 2:16

Votshe valala vako va asamile sisofu, ni ku kuveteta miloti, ve gegeresela makwasa Va txi kha vona: “He mkhawuliseni! Ditshiku diya i kale hi ti di verete, di hokile, ha di wona!”

Ezekhiyele 35:12

Kambe u na tiziva taku ani Mkoma, ni ma pfite otshe manyala ako, ale u nga ma wombetela u txi wukela mimango ya ka Israyeli, u txi khawe: Se va mahilwe marumbi, va ningetwe kuva wudyiselo wathu.

Ezekhiyele 36:5

Ngu konaho, Mkoma Txizimu a khene: Ngu ditshuri kuhisekani ka kuhenya kwangu, ni wombawombile ni wukela matiko ale ma nga sala, ni ditiko da Edhomi. Vona va honyote mafu angu, ngu kutsaka ka totshe timbilu, ni kutxhipisa muhefemulo, kasi ku wu rinza kuñolwani.