Obhadhiya 1:11 - Bhiblia Yo Sawuleka

¹¹ Ka ditshiku dile u nga maneka masoni kwakwe, ka ditshiku dile vamatiko va nga yisa wukhumbini dibutho dakwe, se valala va ti ti wulelela ngu sike sakwe, va ti ti xaxuvela tixolo xungetano ngu Jerusalema, awe upune u ti ti mmweyo wawe.

Obhadhiya 1:11 Referans Kwoze

Masalmo 137:7

Alakanya, Mkoma, ati va nga maha vathu va Edhomi, ditshiku diya Jerusalema a nga welwa ngu dikhombo: Vona va huwelete va txi kha vona: “Khundumuselani, Khundumuselani didhoropa diya, kala makhatoni ka dona!”

Nahume 3:10

Hambi keto, dona di tekilwe di tsula wukhumbini; vanana va dona va phatuletwe amu ka totshe tinzila ta hombe, se txitimwi ka vathaviseki vawe va to xaxuva tixolo, ni votshe vahombe vawe va sungilwe ngu titxhini.

Joyeli 3:3

Va xaxuvile tixolo ka vathu vangu, ve ningela mfana ka digelegele, va xavisile dihorana ngu vhinya ve sela.

Masalmo 50:18

Ngako u txi wonana ni makhokhokho wa engisana nawo, kambe wa patana ni vale va mahako wugango!

2 Vafumeli 25:11

Se ngu wungi wa vathu vale va nga lekwa ve sala didhoropani, ni vatereki vale va nga ti ningela ka mfumeli wa Bhabhilona, wungi wa dibutho, ni Nabhuzaradhani, mthangeli wa yimbi, a to va ñola e tsula navo.

Masalmo 83:5

Votshe va mahile txikungo ngu mbilu yimweyo txo kuwukela; ve pfana kasi kulwa ni nawe.

Masalmo 83:6

Ava va mahako tiya ngu Vaedhomi ni Vaismayeli, liveleko la Mowabhi ni la Agari,

Ezekhiyele 35:10

Hambiko u ku khawe: Vathu ni matiko mambidi si na maha sangu, si na hi lumba, nguko Mkoma a ti ti ho koneyo,

Amosi 1:6

Mkoma a womba tiya: Ngu kuhambunyeta kuraru ka Gaza ni ka wumune, kha ni na mbi thavisa txitsayiso, nguko va yisile wukhumbini totshe tikhumbi, ve ti ningela ka Edhomi.

Amosi 1:9

Mkoma a womba tiya: Ngu kuhambunyeta kurarau ka Tiro ni ka wumune, na mbi thavisa txitsayiso, nguko va ningete totshe tikhumbi ka Edhomi, kambe kha alakanya txitumelelano txa vanawe.

Zefaniya 2:10

Eto ti nava hakhelo ya kutikulisa kwawe, nguko va ruketete ni kutikulisa txitimwi ka vathu va Mkoma wa Mabutho a Tiyimbi.