Obhadhiya 1:10 - Bhiblia Yo Sawuleka

¹⁰ Ngu mhaka ya ku u nga lwiswa mwananu Jakobe, u na fenengetwa ngu pfilu-pfilu, se u na fuviswa do gwita.

Obhadhiya 1:10 Referans Kwoze

Amosi 1:11

Mkoma a womba tiya: Ngu kuhambunyeta kuraru ka Edhomi ni ka wumune, kha ni na mbi thavisa txitsayiso, nguko a tutumisile ndiyakwe ngu ditxhari, kambe a thavisile wotshe wumbilu; ni ku mtshatulela ngu txiviti ngu ha ku si gwitiko, e xayisa kuhenya kwakwe ngu ha ku si gwitiko.

Ezekhiyele 35:9

Ni na kumaha dirumbi da yotshe mbimo, kambe madhoropani kwako kha ku na mbiswa kuve ni vo zumba; ngu kumaha keto, mi na tiziva taku ani ngani Mkoma.

Masalmo 89:45

U komisile masiku a wuphya wakwe; u mfenengetile ngu tingana.

Genesisi 27:41

Se Esawu a to khata kuvenga Jakobe mnanda wakwe, ngu mhaka ya txikatekiso txi tate wakwe a nga mninga, a txi pimisa ekha mbiluni kwakwe, a txi khene: “Masiku o na dila tate nguko a di fite, ma hafuhi; sekoko ni na daya mnanda wangu Jakobe.”

Masalmo 137:7

Alakanya, Mkoma, ati va nga maha vathu va Edhomi, ditshiku diya Jerusalema a nga welwa ngu dikhombo: Vona va huwelete va txi kha vona: “Khundumuselani, Khundumuselani didhoropa diya, kala makhatoni ka dona!”

Mika 7:10

Se mlala wangu wa txisikati a na ti wona eto, se a na fenengetwa ngu pfilu-pfilu, awu a ku khene: Ahayi Mkoma, Txizimu txako kani? Maso angu ma na mu wona a txi kadetelwa, kufana ni madhaka a tiruwani.

Joyeli 3:19

Egipta a na tshumela e va txisapa, se Edhomi a na va txiwula txa txiwunda, ngu kule va nga lwisa vanana va ka Judha ve theketa mnoha ka matiko a kona.

Ezekhiyele 7:18

Kambe va na phamba masaka, kudhudhumela ku na va fenengeta; ka totshe tikhohe tawe ku nava ni tingana, misungo yawe yotshe yi na va tigwayi.

Sidilo 4:21

Tsaka ngutu, u tsaka awe mwanana wa muhorana wa Edhomi, u zumbako ditikoni ka Uzi, digombe di na hoka kwako; se u na leva, u sala u sa ambala txilo.

Jeremiya 51:51

Mi na khanu: Hi thetwe tingana, nguko hi pfite txiruko; tingana ti fenengetile tikhohe tathu, nguko vamatiko va wulete makhaloni ko sawuleka a Nyumbani ka Mkoma.

Jeremiya 49:13

Nguko ni xambanyile ngu ngani nipune, kuwomba Mkoma, taku Bhozira i nava ditiko da txixamaliso, da tingana, da xomulo, di hasamulwako; ni otshe madhoropa akwe ma fuva da magwito.

Jeremiya 3:25

Ahiweni hahatshi tinganani kwathu, hi fenengela tona, nguko hi onhete Mkoma, Txizimu txathu, athu kumweko ni vatate vathu, kukhukhela ha wuphyani kwathu kala nyamsi; kha ha engisa dipswi da Mkoma, Txizimu txathu.”

Masalmo 132:18

Ni na thela pfilu-pfilu ka valala vakwe; aniko kwakwe m'bhoti wakwe wu na kuphatima.”

Masalmo 109:29

Valala vangu va na tale ngu tingana; tingana tawe ti na va fenengete nga nguwo!

Masalmo 69:7

Ngu mhaka ya lirando ni nawe ni zumba ngu kuruketelwa; khohe yangu ya thelwa tingana.

Genesisi 27:11

Sekoko Jakobe a to khene ka mwamwakwe Rebheka: “Mwanathu Esawu, ana ni mapfhepfheleti, aniko ani mmidi wangu mbwo swililika.”

Dhewuteronome 23:7

U nga nyenye muedhomi, nguko i mwananu; hambi kunyenye Muegipta, nguko u ti ti mluveli ditikoni kwawe.

2 Makronika 28:17

Va ka Edhomi va to ta ve talwa ni va ka Judha, va to ñola tikhumbi ve tsula nato.

Mavingu 10:6

Sikatekiso si ha msungo ka wule wo lulama, aniko kulwisa ka tsiva sisofu sa vaonhi.

Dhewuteronome 23:8

Vanana va mi no va veleka ka liveleko la wuraru, mmweyo ni mmweyo wawe, a na wulela msengeletanoni ka Mkoma.

Mavingu 17:5

Awule a sekako txisiwana a ruka wule a nga txi vanga; awule a tsakiswako ngu phango kha na mbi huluka kutsayiswa.

Jeremiya 12:14

Ndongeto a wombako Mkoma ngu vaakelani vangu vo biha ava va wukelako thomba yi ni nga ninga vathu vangu va Israyeli. Ni na va dula ditikoni kwawe, ni nyumba ya ka Judha ni na yi dula hagari kwawe.

Sidilo 4:22

Anu vanana va Siyoni, kupekwa kwanu ku gumile Mkoma kha na mbi ngadi a txi mi yisa wukhumbini. Kasi anu vanana va Edhomi, a ngadi a txi na mi pekela sionho sanu a txi humisa minandu yanu hakubasani.