Nehemiya 9:8 - Bhiblia Yo Sawuleka

⁸ Se u wona kuthembeka ka mbilu yakwe masoni kwako, u maha nayo txitumelelano, txo ninga vanana vakwe ditiko da Vakanana, ni da Vaamori, ni da Vafarezi, ni da Vajebhusi, ni da Vagirigasi; se u tsanisile mapswi ako, nguko u lulamile.

Nehemiya 9:8 Referans Kwoze

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Genesisi 15:6

Se ene a to kholwa ka Mkoma, e woneka i di m'thu wo lulama.

Joxuwa 23:14

Wonani, ani ni tsimbila ngu nzila ya votshe vathu ha mafuni. Anu ma tiziva ngu yotshe mbilu yanu ni wotshe moya wanu tito, ka sithembiso sotshe sa sinene, si Mkoma, Txizimu txanu, a nga mi mahela anu, kuwalo ni txa tximwetxo txi nga mbi maheka, sotshe si mahekile kwanu, kuwalo ni dipswi dimwedo di nga wa hahatshi.

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

1 Johani 1:9

Ngako hi txi ti tshanza sionho sathu, Txizimu txi thembekile ni kululama, kasi ku hi divalela sionho sathu ni ku hi basisa ka wotshe wubihi.

Vahebheru 11:17

Ngu likholo, Abrahamu, mbimo yi a nga dukwa, a ningete Isaake. A ningete mwanana wakwe wammweyo ekha ngu ku a nga amukela sithembiso,

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

Mithumo 13:22

Msana keto, Txizimu txi va fumisete Dhavhidha, txi mu maha mfumeli, awu txi nga mu fakazela kwawe, txi womba tiya: ‘Ni mani Dhavhidha, mwana Jese, i ku wo randeka ka mbilu yangu, awu a nota maha totshe ti ni ti xuvako.’

Joxuwa 11:23

Ngu kumaha keto, Joxuwa a to teka dotshe ditiko diya, nga tona ti Mkoma a nga ti wombile ka Mosi; se Joxuwa a to di ningela di txi maha thomba ya vanana va ka Israyeli, madingano ni kuabanelana kwawe, ngu tihunzu tawe; se ditiko di to humula yimbi.

Joxuwa 11:3

ni ka Vakanana va manekako wutxani ni mswa-ditambo, ni ka Vaamori, ni Vaheti, ni Vaferezi, ni Vajebhusi va mmangoni, ni ka Vahevhi va hafuhi ka Hermoni, ditikoni ka Misipa.

Joxuwa 9:1

Se ku to maheka taku, mbimo yile va nga tipfa votshe vafumeli va va nga ti ti mtxhatuko ka Jordhani, mimangoni ni tibalani, ni kotshe mabambe ka Linene la Hombe, ni masoni ka Libhanoni, Vaheti ni Vaamori, ni Vakanana, ni Vaferezi, ni Vahevhi, ni Vajebhusi,

Dhewuteronome 26:3

Se u nata ka mphaxeli wule a no va a di ha mthumoni, ka masiku oneyo, u txi ya khawe kwakwe: “Nyamsi na ti bika ka Mkoma, Txizimu txathu, ti to ni bwakile ka ditiko diya Mkoma a nga xambanyela vatate vathu, ti to a na va ninga dona.”

Dhewuteronome 9:5

Hi nga ngu mhaka ya kululama kwako, kambe hi nga ngu mhaka ya wunene wa mbilu yako, aku u ngaza u wulela, u teka ditiko dawe, aniko Mkoma a tutumisa matiko awa masoni kwako, ngu mhaka ya kubiha ka ona; ni ti to a maha tiya, kasi kutsanisa dipswi di ene a nga xambanya ka vatate vako, Abrahamu, Isaake, ni Jakobe.

Dhewuteronome 7:1

“Ngako Mkoma, Txizimu txako, a di ku wuletile ka ditiko di uyako ka dona, kasi ku u txi ya di fuma, a di tutumisile matiko amangi masoni kwake, Vaheti, Vagirigaxi, Vaamori, Vakanana, Vaferezi, Vahevhi ni Vajebhusi mtxhanu wa matiko ni mambidi a vathu vo tola ni mtamo wa hombe kupinda awe.

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Genesisi 22:12

Sekoko Ngelozi yi to kha yona: “U nga sanzeke dianza txitimwi ka mfana, kambe u nga mmahe txilo; nguko se na tiziva tito, ngu ditshuri, wa txi thava Txizimu, nguko khwa ni lambela mwanana wako, mwanana wako wammweyo.”

Masalmo 116:5

Mkoma ana ni wumbilu ni kululama, Txizimu txathu txi na ni wumbilu.

Mitengo 13:29

Vaamaleki va akile ngu didhawa da wulambwe, Vaheti, ni Vajebhusi, ni Vaamori, va akete mmangoni. Vakanana va akile hafuhi ni linene, ni txinambwanani ka Jordhani.”

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

2 Samuwele 22:31

Nzila ya Txizimu yi hetisekile, ni dipswi da Mkoma di basile, ene txitxhangu txa votshe vale va mthembako.

1 Makronika 1:14

ni Vajebhusi, ni Vaamori, ni Vagirigasi,

1 Makronika 16:16

ka txitumelelano txi a nga txi maha ni Abrahamu, ni ka txixambanyo takwe ka Isaake;

Ezra 9:15

O! Mkoma, Txizimu txa ka Israyeli, awe u lulamile, nguko hi hulukile, ngako ti wonekako nyamsi; wona taku hiho masoni kwako, kudilani kwathu, nguko kha ngaho ni wammweyo wo dingana kuva masoni kwako, ngu mhaka ya toneto.

Nehemiya 9:33

Aniko, ka totshe ti ti hi humelelako, awe u lulamile; nguko awe u mahile ta tinene, se athu hi maha kubiha.

Ezekhiyele 33:24

Awe mwanana wa m'thu, ava va zumbako ka makhalo awa a siwula, va womba-womba va txi kha vona: “Abrahamu i ti ti ene ekha nyamne wa mafu awa; kambe athu hi vangi; hi ningilwe ditiko diya ku va thomba yathu.”