Nehemiya 9:7 - Bhiblia Yo Sawuleka

⁷ Ngawe Mkoma Txizimu, u nga sawula Abramu, u mthavisa ka Uri wa Vakaldheya, u mraya ditina daku i Abrahamu.

Nehemiya 9:7 Referans Kwoze

Genesisi 17:5

Kambe khu na mbiswa u txi dhanwa ku u Abramu, aniko ditina dako u na va u di Abrahamu, nguko ani ni na kumaha tate wa matiko o tala.

Genesisi 11:31

Tera a to teka mwanana wakwe Abramu, ni mtukulu wakwe Loti, mwana Harani, ni mame wakwe Sarayi, msikati wa Abramu, e rura navo ditikoni ka Uri ka Vakaldheya, ve tsula ditikoni ka Kanana, aniko, va di hokile ditikoni ka Harani, va to aka ve zumba kona.

Isaya 51:2

Wonani ka Abrahama tate wanu, ni ka Sara awu a nga mi veleka; nguko ni m'dhani a di ekha, kambe ni mkatekisile, ni tshumela ni muandisa.

Dhewuteronome 10:15

Aniko Mkoma a ti ningetete dwe ka vatate vako, a txi va randa! Se msana kwawe a to sawula liveleko lawe, i ku anu ngu wutumbu, hagari ka votshe vathu, nga ti ni nyamsi ti wonekako.

Genesisi 15:7

Mkoma a to khene ka Abramu: “Ani ni Mkoma wu a nga kuhumisa Uri ka Vakaldheya, kasi ku ni txi ku ninga ditiko diya, di maha thomba yako.”

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

1 Makronika 1:27

Abramu, i ku Abrahamu.