Nehemiya 9:5 - Bhiblia Yo Sawuleka

⁵ Sekoko Valevhi, ni Jesuwa, ni Kadhimiyeli, ni Bhani, ni Hasabhineya, ni Serebhiya, ni Hodhiya, ni Sebhaniya, ni Petaya va to kha vona: Khukhani mi dhumisa Mkoma, Txizimu txanu, yotshe mbimo! Mahani mkombelo, mi dhumisa ditina da wudhumo wakwe, di di ku txitimwi ka sotshe si si katekiswako ni kudhumiswa.

Nehemiya 9:5 Referans Kwoze

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Ezra 3:11

Se va txi wuyelela kuembelela, va txi kulisa ni kudhumisa Mkoma, nguko mnene; “nguko wumbilu wakwe mbwa yotshe mbimo ka Israyeli!” Se votshe vathu va to kwangula ngu kutsaka ka hombe, mbimo yile va nga dhumisa Mkoma, ngu kukhatwa ka Nyumba ya Mkoma.

1 Makronika 29:13

Konkuwa koko, awe Txizimu txathu, ha ninga kubonga ni kudhumisa ditina da wudhumo wako.

Masalmo 146:2

Ni na dhumisa Mkoma, ni txi ngadi ni hanya; ni na embelela kudhumisa ka Txizimu txangu, ni txi ngadi ni hanya.

Masalmo 145:5

Ni na xawutela wuhombe wa wudhumo wa wulamuli wako, ni wuhombe wa mithumo yako.

Masalmo 145:2

Otshe masiku ni na ku bonga. Ni na dhumisa ditina dako kupinduka ni kupinduka.

Masalmo 134:1

Bongani Mkoma, motshenu sithumi sa Mkoma, motshenu mi ku nyumbani kwakwe ko sawuleka, wotshe wusiku!

Masalmo 106:2

I mani a sikotako kuxawutela mithumo ya hombe ya Mkoma? I mani a sikotako kupfalisa wotshe wudhumo wakwe kani?

Masalmo 16:2

Ni wombile ka Mkoma ni txi khani: Awe ngawe Mkoma wangu, hahanze kwako kuwalo tximwani txi ni tsakisako.

2 Makronika 20:19

Sekoko Valevhi va vanana va ka Kohate ni vanana va Vakorayi va to guleta mapswi kasi kudhumisa Mkoma Txizimu txa Israyeli.

2 Makronika 20:13

Vavamna votshe va ka Judha va to ema masoni ka Mkoma kumweko ni vanana vawe ni vasikati vawe.

1 Makronika 29:20

Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

1 Vafumeli 8:27

I na ngu ditshuri txi ndi na zumba Txizimu ha mafuni kani? Wona taku tinzuma kala ka nzuma ya tinzuma kha ti sikoti ku u enela ka tona, se ngutu-ngutu nyumba yiya ni nga yi aka.

1 Vafumeli 8:22

Se Solomoni a to tsula masoni ka txiluvelo txa Mkoma, masoni ka wotshe msengeletano wa ka Israyeli, se e gwimba manza me komba nzumani,

1 Vafumeli 8:14

Sekoko mfumeli a to tshembereka e katekisa wotshe msengeletano wa ka Israyeli wu nga ti emile.

Dhewuteronome 28:58

Ngako u si khatali ngu kuvekisa otshe mapswi a mlayo wuwa, aawa ma nga bhalwa ka dibhuku diya, ni kuthava ditina diya da wudhumo ni kuthisa, da Mkoma, Txizimu txako,

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Eksodha 15:6

Dianza dako da txinene, awe Mkoma, da ti pfalisa, kambe nda mtamo; da phatulela valala;

1 Vafumeli 8:15

A txi khene: A na dhumiswe Mkoma, Txizimu txa ka Israyeli, a nga womba ngu txisofu txakwe ka tate wangu Dhavhidha, ni kumaha ngu dianza dakwe a txi khene:

Nehemiya 9:4

Se Jesuwa, Kadhimiyeli, Sebhaniya, Bhuni, Serebhiya, Bhani ni Kenani va to ya ema txiluveloni txa va Levhi ve peka huwa ka Mkoma Txizimu txawe.

Nehemiya 9:6

Awe ngawe wekha u ku Mkoma, ngawe u nga maha nzuma, nzuma ya tinzuma ni dotshe dibutho da yona, mafu ni sotshe si si ku ka ona, ni minambo ni sotshe si si ku ka yona; sotshe ngawe u si hanyisako, ni dibutho da nzumani da kukhozela.

Valamuli 13:18

Se Ngelozi ya Mkoma yi to mxamula ku kha yona: “Ngu kutxani u wotisako ditina dangu, na kuve da yila ku di womba kani?”

1 Makronika 16:36

Ku na dhumiswe Mkoma Txizimu txa Israyeli, ngu malembe ni malembe. Se votshe vathu va to kha vona: Amen! Se ve dhumisa Mkoma.

Jobe 1:21

Jobe a to khene: Ni humile ngu mndani ka mwamwangu ni di tximbwiri, se ni na tshumelela kona kambe ni di tximbwiri; Mkoma a ningile, kambe Mkoma a tekile; di na guletwe ditina da Mkoma.

Masalmo 66:2

Embelelani wundhumo wa ditina da Txizimu; ningani wudhumo ka wundhundo wa Txizimu.

Masalmo 99:3

Di na dhumiswe ditina da hombe da kuthisa, nguko dona di sawulekile.

Dhaniyeli 2:20

Dhaniyeli a to womba, a txi khene: “Di na dhumiswe ditina da Txizimu ngu ha ku si gwitiko” nguko wuzivi ni mtamo, nza Txizimu;