Nehemiya 9:37 - Bhiblia Yo Sawuleka

³⁷ Ditiko da pfuna kambe mihando nja vafumeli vale u nga va veka txitimwi kwathu, ngu mhaka ya sionho sathu; va thuma kuranda kwawe txitimwi ka mimidi yathu ni txitimwi ka sifuyo sathu; se hi kuxanisekani ka hombe.

Nehemiya 9:37 Referans Kwoze

Dhewuteronome 28:33

Mihando ya thembweni kwako ni ya mithumo yako yotshe, yi na dyiwa ngu vathu vale u si va ziviko, kambe awe u na xaniswa u txi xuphwa otshe masiku.

Dhewuteronome 28:48

Na nawe u na khozela valala vako, avava Mkoma a no va rumela, kasi ku ta kuwukela u di ni nzala, ni ditora, ni wusakato, ni kupwata sotshe; a na va ruma va txi sanzeka dikange da simbi thamoni kwako, kala u txi loviswa.

Ezra 7:24

Kambe ha mi zivisa ngu mhaka ya votshe vaphaxeli, ni Valevhi, ni vaembeleli, ni vaxayisi va matimba, ni Vanetine, ni vathumi va Nyumbani ka Txizimu, va si dinganiko kuresiswa, hambi kutheliswa mbasani.

Johani 8:33

Va to xamula va txi kha vona: “Athu hi liveleko la Abrahamu. Kha hi zivi ku nga va tikhumbi ta m'thu. U wombisa kutxani tito: ‘Mi na khululwa kani?’ ”

Nehemiya 5:8

Se ni txi khani: Athu hi hulukisile Vajudha, madingano ni mtamo wathu, i ku vanathu, avale va nga xaviswa ka vamatiko, se anu kambe mi lava kuxavisa vananu, kasi kuveta xaviswa kwathu kani? Sekoko va to malala, va txi kayee.

Ezra 6:8

Na leleta kambe nipune, ati mi fanelako kumaha ngu madhota a Vajudha, kasi kuve aka Nyumba ya Txizimu, i ku ti taku, ngu tithomba ta mfumeli, ni timbasani ta mtxhatuko ka mnambo, mi na hakela ngu sona vavamna vava, ti taku va si thelwi dikhodho.

Ezra 4:13

Konkuwa a na ti zive mfumeli taku, ngako di txo aketwa didhoropa dile, maguma a dona me wuswa, kha va na mbi dihela madingano, i ku tiresa ni timbasani; se yi na hangalakisa toneto thomba ya mfumeli.

Dhewuteronome 28:51

Wona wu na dya marole a sifuyo sako, ni mihando ya mafu ako, hambi mtona, hambi marole a tihomu tako, ni sinvutana sa tinvuta tako, kala kuza u txi lova.

Dhewuteronome 28:39

U na dima u txi phaya mivhinya, u txi yi sakulela, aniko khu na mbi sela vhinya ya kona, hambi kuhapha mauvha a kona, nguko mpungu wu na ma pukutela.

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Sidilo 5:5

Vaxanisi vathu va txitimwi ka tithamo tathu; se athu hi karate, kha hi nga ni kuhumula.