Nehemiya 9:35 - Bhiblia Yo Sawuleka

³⁵ Nguko hambi ka mfumo wako kha va ku thumela, hambi ku u nga va ninga ngu wunene wako wa hombe, hambi ka ditiko da hombe do nona di u nga va ninga kha va kuthumela, hambi kuhunduluka ka mithumo yawe yo biha.

Nehemiya 9:35 Referans Kwoze

Dhewuteronome 28:47

nguko khwa thumela Mkoma, Txizimu txako, ngu kutsaka ni kubasa ka mbilu, ngu mhaka ya kutalelwa ngu silo sotshe.

Jeremiya 5:19

Ngako va txi kha vona: Ngu kutxani Mkoma Txizimu txathu a nga hi mahela tiya kani? U na va gela u txi khawe: Kunganu mi nga ni leka, mi phaxela simwani sizimu ditikoni kwanu; ngutoneto, mi na thumela vamatiko ditikoni kova i si nga kwanu.

Nehemiya 9:25

Se va to teka Didhoropa da Hombe, ni ditiko do nona, ve teka ni tinyumba to tala ngu siya sa yotshe mixowo, ni sisima so kelwa ni mivhinya, ni miolivha, ni mindonga yo tala ya mihando; va to dya ve khura, ve ena, se ve tsula va di tsakile ngu wudhumo wako wa hombe.

Dhewuteronome 31:21

Ngu mhaka yeto, ngako makhombo amangi ni sikarato, si txi va tela txitimwi kwawe, ndando yiya yi na maha fakazi, nguko kha yi na mbi divalwa sisofuni ka liveleko lawe; nguko ani na yi ziva mialakanyo yawe, ayile va ku nayo nyamsi.

Nehemiya 9:34

Se vafumeli vathu, vathangeli vathu, vaphaxeli vathu ni vatate vathu kha va xayisa mlayo wako, hambi kuengisa sirumo sako ni wufakazi wako, mbimo yi u nga va sola.

Isaya 63:7

Ni na khumbuka wunene wa Mkoma, ni wungi wa wudhumo wa Mkoma, madingano ni totshe ti Mkoma a nga hi ninga, ni wunene wakwe wa hombe ka nyumba ya ka Israyeli, a nga va mahela madingano ni wumbilu wakwe, ni madingano ni kutala ka wunene wakwe.

Dhewuteronome 28:48

Na nawe u na khozela valala vako, avava Mkoma a no va rumela, kasi ku ta kuwukela u di ni nzala, ni ditora, ni wusakato, ni kupwata sotshe; a na va ruma va txi sanzeka dikange da simbi thamoni kwako, kala u txi loviswa.

Ezekhiyele 5:6

Ene koko, valamuli vangu a va onhisile ngutu kupinda matiko, ni sileleto sangu kupinda matiko ale ma nga mrandela; nguko va lambile wulamuli wangu, kambe kha va londisa silayelo sangu.