Nehemiya 9:34 - Bhiblia Yo Sawuleka

³⁴ Se vafumeli vathu, vathangeli vathu, vaphaxeli vathu ni vatate vathu kha va xayisa mlayo wako, hambi kuengisa sirumo sako ni wufakazi wako, mbimo yi u nga va sola.

Nehemiya 9:34 Referans Kwoze

Jeremiya 29:19

nguko kha va engisa timhaka tangu, kuwomba Mkoma, aha ni nga va rumelela sithumi sangu i ku vaprofeti ngu kusimamisa. Aniko kha ma engisa, kuwomba Mkoma.

2 Vafumeli 17:13

Se Mkoma a to wukela Israyeli ni Judha, ngu dipswi da votshe vaprofeti, ni votshe vahuti, a txi khene: Hundulukani ka tinzila tanu to biha, mi vekisa milayo yangu ni sileleto sangu, madingano ni Milayo yotshe ni nga ninga vatate vanu, kambe ni nga rumela kwanu ngu sithumi sangu, i ku vaprofeti.

Dhewuteronome 31:21

Ngu mhaka yeto, ngako makhombo amangi ni sikarato, si txi va tela txitimwi kwawe, ndando yiya yi na maha fakazi, nguko kha yi na mbi divalwa sisofuni ka liveleko lawe; nguko ani na yi ziva mialakanyo yawe, ayile va ku nayo nyamsi.

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

2 Vafumeli 17:15

Se va to lamba sileleto ni txitumelelano a nga ti txi mahile ni vatate vawe, ni wufakazi wule va nga ti mahile vatate vawe, va to tsimbila ngu wukanganyisi, na i ti maphanga, kufana ni mifumo yile yi nga ti ti madhawani kwawe, ayile Mkoma a nga ti ti va gete ku va nga yi londete.

Nehemiya 9:33

Aniko, ka totshe ti ti hi humelelako, awe u lulamile; nguko awe u mahile ta tinene, se athu hi maha kubiha.

Nehemiya 9:35

Nguko hambi ka mfumo wako kha va ku thumela, hambi ku u nga va ninga ngu wunene wako wa hombe, hambi ka ditiko da hombe do nona di u nga va ninga kha va kuthumela, hambi kuhunduluka ka mithumo yawe yo biha.

Jeremiya 44:17

hi na londisa kotshe kuwomba ku ku nga huma ngu txisofuni kwathu, hi txi hisela dibaselo txizimu txa txisikati txi dhanwako ku Mfumeli wa Nzumani, ni ku txi luva.

2 Makronika 29:6

Nguko vatate vathu va hambukile, va mahile to biha masoni ka Mkoma Txizimu txathu, ve mu leka; ve jikisa tikhohe tawe ve leka kuwonetela ditenda da Mkoma va txi ditshuralela.

Ezra 9:10

Sekoko konkuwa, awe Txizimu txathu, hi na womba txani msana keto kani? Nguko hi lekile milayo yako,

Jeremiya 44:4

Ni mi rumelete sotshe sithumi sangu i ku vaprofeti, ni mixo ngutu ku ta womba tiya: Mi nga maheni wubihi wu ni wu nyenyako.

Ezekhiyele 5:6

Ene koko, valamuli vangu a va onhisile ngutu kupinda matiko, ni sileleto sangu kupinda matiko ale ma nga mrandela; nguko va lambile wulamuli wangu, kambe kha va londisa silayelo sangu.

Dhaniyeli 9:6

aniko kha ha engisa sithumi sako, i ku vaprofeti, vale va nga womba-womba ngu ditina dako ka vafumeli vathu, ka vathangeli vathu, ka vatate vathu, ni ka votshe vathu va ditiko.