Nehemiya 9:32 - Bhiblia Yo Sawuleka

³² Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

Nehemiya 9:32 Referans Kwoze

Nehemiya 1:5

Ni txi khani: Awe, Mkoma, Txizimu txa nzumani, Txizimu txa hombe txo thaviseka, awe u xayisako txitumelelano, ni kupfela wusiwana vale va ku randako, va xayisako sirumo sako!

Dhewuteronome 7:9

U na ti zive koko ti to Mkoma, Txizimu txako, Njizimu, Njzimu txo thembeka, a xayisako txitumelelano ni wumbilu, kala ka 1.000 wa tiveleko, ka vale va mrandako, ni kuvekisa sirumo sakwe;

Dhaniyeli 9:8

Awe Mkoma, athu, ni vafumeli vathu, ni vathangeli vathu, ni vatate vathu, hi lumbwa ngu tingana, nguko hi kuonhete.

Dhaniyeli 9:4

Se ni to khongela ka Mkoma, Txizimu txangu, ni ti tshanza, ni txi khani: Yowe! Mkoma! Txizimu txa hombe, txo thaviseka, awe u xayisako txitumelelano ni wumbilu, ka vale va kurandako, va xayisako sirumo sakwe;

Dhaniyeli 9:6

aniko kha ha engisa sithumi sako, i ku vaprofeti, vale va nga womba-womba ngu ditina dako ka vafumeli vathu, ka vathangeli vathu, ka vatate vathu, ni ka votshe vathu va ditiko.

Masalmo 66:5

Ngonani mi ta wona mithumo ya Txizimu, sidiwukiso si txona txi nga si maha masoni ka vathu.

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Masalmo 47:2

Nguko Mkoma Nyatxitimwi mbwa kuthisa; ngene Mfumeli wa hombe wa mafu otshe.

Ezra 9:13

Se msana ka totshe ti ti nga hi mahekela, ngu mhaka ya mithumo yathu yo biha, ni mnandu wathu wa hombe, hambi keto, awe Txizimu txathu, u khulumetete a ti to hi si khundumuswi, amu ka wubihi wathu, u tshumela u hi hulukisa nga tiya;

2 Vafumeli 25:7

Se vanana va Zedhekiya va to dawa masoni kwakwe; va to dhodela maso a Zedhekiya, ve msunga ngu titxhini timbidi ta msuku, se ve mtsulisa Bhabhilona.

2 Vafumeli 23:29

Ka masiku akwe, a to kwela Faro-Neko, mfumeli wa Egipta e lwisa mfumeli wa Asiriya, mnamboni ka Ewufrate; se mfumeli Josiya a to mu hingeta; mbimo yile ene a nga muwona a to m'daya ditikoni ka Megidhu.

2 Vafumeli 17:3

A to lwiswa ngu Salmanaseri, mfumeli wa Asiriya, se Hoseya a to maha khumbi yakwe, ni ku mluva.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

2 Vafumeli 15:19

Sekoko ku to humelela Puli, mfumeli wa Asiriya e lwisa ditiko; se Menayemi a to ningela ka Puli 1.000 wa titalenta ta silivhela, kasi ku dianza dakwe di txi mtsanisa, ni kutsanisa mfumo manzani kwakwe.

1 Vafumeli 8:23

a txi khene: O Mkoma, Txizimu txa ka Israyeli, kha ku nga ni Txizimu txo ngawe, txitimwi nzumani, hambi hahatshi ha mafuni, u xayisako txitumelelano ni wunene, ka sithumi sako si tsimbilako ngu mbilu yawe yotshe masoni kwako;

Dhewuteronome 7:21

U nga dhudhumele masoni kwawe, nguko Mkoma Txizimu txako, Njizimu txa hombe, kambe njo thisa.

Levhi 26:28

sekoko, ni na mi wukela ngu kuhenya, ni txi mi tsayisa kambe, ngu kuwuyeleta mtxhanu wa sikhati ni simbidi, ngu mhaka ya sionho sanu.

Levhi 26:24

nanani ni na hambana ni nanu, ni txi mi tsayisa ngu kuwuyeta kambe mtxhanu wa sikhati ni simbidi, ngu mhaka ya sionho sanu.

Levhi 26:21

Ngako mi txi hambana ni nani, mi tamarisa mi si ni engisi, ni na engeta ni txi ruma makhombo, ni txi wuyeleteta kambe mtxhanu wa sikhati ni simbidi, kasi ku mi tsayisa, ngu mhaka ya sionho sanu.

Levhi 26:18

Se ngako mi txi tamarisa mi si ni engisi, ni na mi tsayisa mtxhanu wa sikhati ni simbidi, ngu mhaka ya sionho sanu.

Eksodha 18:8

Se Mosi a to xawutela ka tate wakwe ngu ka msikati wakwe, totshe ti Mkoma a nga ti maha ka Faro ni ka Vaegipta, ngu mhaka ya va ka Israyeli, kumweko ni sotshe sikarato si va nga si mana dipfhumbani kwawe, asi ene Mkoma a nga va hulukisa ka sona.

Ezra 4:2

va tile ka Zorobhabheli ni ka vathangeli vavatate ve ta kha vona: Hi lekeni hi aka ni nanu, nguko, ku nga anu, hi na xota kumweko Txizimu txanu; nga kule nathu hi txi phaxelako kukhukhela ka masiku a Esari-Edhomi, mfumeli wa Asuri, i ku ene a nga hi ruma kuta hawa.

Ezra 4:10

ni vamwani vathu, va nga tekwa ngu wa hombe ni wa nduma, Osinapari, a txi ya va maha vazumbi va didhoropa da Samariya, ni vamwani va mtxhatuko ka mnambo, ka yona mbimo yile.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Dhewuteronome 7:12

Ngako u txi engisa, u txi si vekisa sileleto siya, Mkoma, Txizimu txako, nene a na xayisa txitumelelano ni lirando, ali ene a nga xambanya ka vatate vako;

Dhewuteronome 7:13

se a na kuranda, a na kukatekisa, a na kumaha u anda, a na katekisa mihando ya mndani kwako, ni mihando ya mafu ako, mafaka ako, ni vhinya yako ya yiphya, ni mtona wako, ni sifuyo sako sa tihomu tako ta mikati, sifuyo sako sa sidotho, ka ditiko di a nga xambanya kuninga vatate vako.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

2 Vafumeli 17:23

Kala kuza Mkoma e thavisa Israyeli masoni kwakwe, nga kule a nga nga womba ngu sithumi sakwe, i ku vaprofeti; a tekisilweto Israyeli e tsuliswa Asiriya, emo a manekako kona kala ka ditshiku da nyamsi.