Nehemiya 9:31 - Bhiblia Yo Sawuleka

³¹ Kambe, ngu mhaka ya wunene wako wa hombe, khwa va haxula, hambi ku va leka; nguko awe u Txizimu txa wunene ni wumbilu.

Nehemiya 9:31 Referans Kwoze

Jeremiya 4:27

Nguko Mkoma a khene: “Ditiko dotshe di na hasamulwa, aniko na mbi di hetisela magwito.

Nehemiya 9:17

Se va to lamba ku kuengisa, va si khumbuli sixamaliso sako sile u nga va mahela, ve ti nemelisa kuthumani kwawe, se ngu wuhurupha wawe va to ti sawulela mthangeli, kasi ku e va thangela ve tshumelela wukhumbini kwawe; kambe awe u Txizimu txi txi divalelako, txo pfela ni wumbilu, txi swelako kuhenya, txo tala ngu wunene, se awe khwa va leka;

Sidilo 3:22

Wumbilu wa Mkoma, ngu wona wu mahako ti to hi si fuviswi; nguko wumbilu wakwe kha wu na magwito.

Jeremiya 5:18

Hambi ti di ngeto, kuwomba Mkoma. Kha ni na mbi ku fuvisela magwito keyo masiku!

Jeremiya 5:10

Kwelani magumani kwawe, mi txi ma khundumusela aniko mi nga ma heteleni magwito. Thaviselani tidhavi tawe nguko hi nga ta Mkoma.

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

2 Makronika 30:9

Nguko mi txi hindulukela ka Mkoma, vananu ni vanana vanu ava va nga tsuliswa wukhumbini va na mahelwa wumbilu ngu vale va nga va teka, va na va wuyisa ditikoni muwa; ngu ku Mkoma Txizimu txanu txi ni wuxinji ni wumbilu kha txi na mbi mi tshuralela ngako mi txi tshumelela ka txona.

2 Vafumeli 13:23

Sekoko Mkoma a to va pfela wumbilu, e va xanisekela, a to va rendekela ngu mhaka ya kuranda txitumelelano txakwe ni Abrahama, ni Isaake ni Jakobe; kha lava ku va khundumusa, kambe kha va tsotsha kule ni nene.

Dhewuteronome 4:31

Nguko Mkoma, Txizimu txako, Njizimu txa wumbilu, kha na mbi mi leka, kambe kha na mbi mi lovisa, nguko kha na mbi divala txitumelelano txi ene a nga xambanyelana ni vatate vanu.

Nehemiya 9:19

Kambe awe ngu wunene wako wa hombe, khwa va leka txiwulani. Phande ya direfu kha yi khali kuve kule navo ni mitshikari amu kova komba nzila, hambi direfu da mndilo ni wusiku, kasi ku va wonigela ni ku va komba nzila yo tsimbila ngu yona.

Isaya 48:9

Ngu mhaka ya kuranda ditina dangu, ni na swelisa kuhenya kwangu, ngu mhaka ya kuranda wudhumo wangu, ni na ti ñola ni si ku henyeli, kasi ku ni si ku lovisi.