Nehemiya 9:29 - Bhiblia Yo Sawuleka

²⁹ Se u va laya ti to ve tshumelela ka mlayo wako; aniko vona va to ti kulisa, va si engisi sirumo sako, ve onhela wululamo wako, awu ngako m'thu a txi wu londisa a na hanya.

Nehemiya 9:29 Referans Kwoze

Nehemiya 9:16

Hambi keto vona, vatate vathu va to ti kulisa, ni ku ti nemelisa kuthumani kwawe, va si engisi milayo yako.

Levhi 18:5

Mi fanete kuxayisa milayo yangu ni mithetho yangu, nguko yona ya tsanisa wutomi, ka wule a yi londetako! Ani ngani Mkoma!

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

Nehemiya 9:10

U kombisile sixamaliso ni sidiwukiso ka Faro, ni ka sotshe sithumi sakwe, ni ka vathu votshe va ditiko dakwe, nguko wu ti zivile ti va nga xanisisa tona vathu vako, se ngu kumaha keto u ti manete ditina, kufana ni ti ti wonekako nyamsi.

Hoseya 6:5

Ngu toneto, ni va pekile ngu vaprofeti; ni va date ngu dipswi da txisofu txangu; kambe kulamula kwako ku na humelela kufana ni kuwonekela.

Jeremiya 43:2

sekoko a to womba-womba Azariya mwana Hoxaya, ni Johanani mwana Kareya, ni votshe vavamna va mabava va txi kha vona ka Jeremiya: “Awe u womba makuhu! Mkoma, Txizimu txathu, kha kurumela ku ta womba ku: Mi nga tsuleni mi txi ya luvela Egipta.

Vagalatiya 3:12

Ngu konaho Mlayo ni likholo kha si tsimbili ngu nzila yimweyo; nguko Mlayo wu womba tiya: “M'thu a hanya ngu kuvekisa sileleto sa Mlayo.”

Varoma 10:5

Nguko Mosi a bhate ti to m'thu wu a mahako kululama ku i ku ka Mlayo, a na hanya ngu kona.

Luka 10:28

Se Jesu a nje khene kwakwe: “U xamute ta tinene; maha toneto, u na mana wutomi.”

Dhaniyeli 5:20

Aniko mbimo yi mbilu yakwe yi nga tikulisa, e bangisa msungo wakwe ngu wugwile, a to thaviswa ha txituluni kwakwe ka wukoma, e tekelwa ni wudhumo wakwe.

Ezekhiyele 20:11

Ni va ningile sileleto sangu, ni ku va komba milayo yangu, ngako m'thu a txi si londeta, a na hanya ngu sona.

Jeremiya 44:10

Kha mi ti soli kala ni nyamsi kuwa, kha mi kombi txithavo, kha ma tsimbila ngu milayo yangu ni sileleto sangu, ni nga si veka masoni kwanu ni ka vatate vanu.

Jeremiya 19:15

A womba tiya Mkoma wa Mabutho a Tiyimbi, Txizimu txa ka Israyeli: Wona taku ni na tisa txitimwi ka diya didhoropa, ni ka sotshe sidhoropana, wotshe wubihi wu ni nga wu womba ngu ku diwukela, nguko va bangisile tithamo tawe, kuva va si engisi timhaka tangu.

Jeremiya 17:23

Vona kha va engisa, hambi kuhuphuta tinzeve tawe; aniko va to bangisa tithamo tawe, kasi va si engisi, ni kwa mbi amukela kulaywa.

Jeremiya 7:26

Aniko kha va ma engisa, hambi ku riya tinzeve; va to bangisa tithamo tawe, ve maha kubiha kupinda ni vatate vawe.

2 Makronika 36:15

Mkoma Txizimu txa vatate vawe a va rumete dipswi dakwe ngu mitumi yakwe, nguko Mkoma a pfete wusiwana vathu vakwe ni Nyumba yakwe.

2 Makronika 24:19

A to rumela vaprofeti hagari kwawe, kasi ku e va wuyisa kambe ka Mkoma, kambe vona kha va lava ku mu engisa.

2 Vafumeli 17:13

Se Mkoma a to wukela Israyeli ni Judha, ngu dipswi da votshe vaprofeti, ni votshe vahuti, a txi khene: Hundulukani ka tinzila tanu to biha, mi vekisa milayo yangu ni sileleto sangu, madingano ni Milayo yotshe ni nga ninga vatate vanu, kambe ni nga rumela kwanu ngu sithumi sangu, i ku vaprofeti.

Dhewuteronome 31:21

Ngu mhaka yeto, ngako makhombo amangi ni sikarato, si txi va tela txitimwi kwawe, ndando yiya yi na maha fakazi, nguko kha yi na mbi divalwa sisofuni ka liveleko lawe; nguko ani na yi ziva mialakanyo yawe, ayile va ku nayo nyamsi.

Dhewuteronome 4:26

nyamsi ni maha ti to nzuma ni mafu, si txi va i di tifakazi tanu to mi wukela; ngako toneto ti txi maheka, ngu txikuluveta mi na ya lova ka donedo ditiko, adile anu mi yako kuya di fuma, ngako mi di txhatukile mnambo wa Jordhani; ka toneto, kha mi na mbi ya hanya ngutu ka dona, nguko ngu ditshuri, mi na ya loviswa.

Eksodha 10:3

Se Mosi ni Aroni, va yite kambe ka Faro, va txi ya m'gela tiya: “Mkoma, Txizimu txa Vahebheru, a khene: U na gwita mbimo muni kukaneta u si ti veki hahatshi masoni kwangu kani? Leka vathu vangu ve huma, kasi va txi ya ni khozela.

Matewu 19:17

Jesu a to mu wotisa a txi khene: “U wotisela txani ngu mhaka ya tiya i ku ta tinene kani? Wamnene i mmweyo basi. Aniko, u txi lava kuwulela wutomini ko mbi guma, veketa milayo.”

2 Makronika 33:10

Se Mkoma a to womba ka Manasi ni ka vathu vakwe, kambe kha va mu engisa.

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

Nehemiya 13:15

Ka ona ale masiku, ni woni vathu kona Judha, va txi kamela vhinya ngu Sabbata, vamwani va txi rwalela tinyanda ngu timbongola; ni vhinya, ni mauvha, ni makuwa, ni thundu ya mixowo yotshe va txi si yisa Jerusalema ngu ditshiku da Sabbata; se ni to va laya, ditshiku dile va nga ti xavisa sakudya.

Jeremiya 42:19

Mkoma a mi gete anu misalela ya ka Judha: Mi nga wuleleni Egipta; zivani ngu ditshuri ati ni nga mi elela nyamsi.

Dhewuteronome 31:27

Nguko ani na di ziva dihanyo dako da wuhurupha ni kukanyisa kwako; hambi nyamsi, ni ku ngadi ni txi hanya kumweko ni nanu, mi ku siphukuphuku ka Mkoma; se mi na txani, ngako ni di fite kani?

Valamuli 6:10

Ni wombile kambe kwanu ni txi khani: Ani ngani Mkoma, Txizimu txanu, mi nga thaveni sizimu sa Vaamori, avale mi nga zumba ditikoni kwawe. Aniko anu kha ma ni engisa.

2 Vafumeli 17:14

Hambiko kha va mu engisa; va to ti nemelisa kuthumani kwawe, nga mathumelo a vatate vawe, va nga mbi kholwa ka Mkoma, Txizimu txawe.