Nehemiya 9:28 - Bhiblia Yo Sawuleka

²⁸ Aniko, va di mani kuhumula, va to tshumela ve maha kubiha masoni kwako; se u to va leka manzani ka valala vawe, va txi va fumela; se mbimo yile va nga hindukula va txi kwangula kwako, awe u va engisile u di nzumani, u va hulukisa sikhati so tala ngu mhaka ya wumbilu wako.

Nehemiya 9:28 Referans Kwoze

Valamuli 5:31

Valala vako va na fuvise tona eto, awe Mkoma! Aniko, avale va kurandako, va na fanane ni ditambo, ngako di txi sisimuka ngu wotshe mtamo wa dona.” Se ditiko di to dikha, amu ka mune wa magumi a malembe.

1 Vafumeli 8:39

va engise awe koko nzumaniyo, ka txitulu txi u zumbako ka txona, divalela, maha, ninga ka mmweyo ni mmweyo madingano ni mahanyelo akwe, ni ti u nga wonisako tona mbilu yakwe, nguko ngawe wekha u zivako timbilu ta vanana va vathu.

Valamuli 4:1

Aniko vanana va ka Israyeli, va to simama va maha kubiha masoni ka Mkoma, msana ka kufa ka Ewudhi.

Valamuli 3:30

A khozisisilwe eto Mowabhi kedo ditshiku, hahatshi ka dianza da Israyeli; se ditiko di to dikha mndani ka mtxhanu wa magumi ni magumi mararu a malembe.

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Masalmo 136:24

Kambe a hi txhatxhisile ka valala vathu; nguko lirando lakwe nda kala kupinduka!

Valamuli 2:19

Aniko ku txi maheka taku, ngako a txi fa mlamuli, va ti ti tshumela va txi ti nyenyezisa, kupinda vatate vawe, va txi londetela simwani sizimu, va txi si thumela ni ku si khizamela; va si leki ni txa tximwetxo ka simaho sawe, hambi txieyiso txawe.

Masalmo 106:42

Vona va xanisilwe ngu valala vawe, ve mahwa tikhumbi tawe.