Nehemiya 9:26 - Bhiblia Yo Sawuleka

²⁶ Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.

Nehemiya 9:26 Referans Kwoze

1 Vafumeli 14:9

ziva ti to u mahile kubiha kupinda votshe vale vo khata, u tsute uya ti mahela simwani sizimu, ni sifananiso so nyekiswa, u txi ni wusela kuhenya, u ni tshotsha msana kwako,

Nehemiya 9:18

hambi mbimo yile va nga ti ti mahete dirole do wumbwa, va txi kha vona: Atxiya Txizimu txako, txi txi nga kuhumisa ditikoni ka Egipta, va txi maha txiruko txa hombe.

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

1 Vafumeli 18:4

nguko ku mahekile tito, mbimo yile Jezabheli a nga ti dayela vaprofeti va Mkoma, Obhadhiya a to teka 100 wa vaprofeti, se e sisa mtxhanu wa magumi kheno, ni vamwani va mtxhanu wa magumi kheya, amu ka diphala, e va dyisa ngu mapawu ni mati).

Matewu 21:35

Aniko vadimi va to ñola sithumi, ve peka mmweyo, ve daya mmwani, se wa wuraru ve mu balisela ngu marigwi.

Ezekhiyele 20:21

Aniko vanana va ni wukete, kha va tsimbila ngu sileleto sangu, kambe kha va xayisa milayo yangu, saku m'thu a txi si londeta, a na hanya ngu sona; vona va nyetisete Masabbata angu; ngu mhaka ya eto ni nga khani ni na theketa txiviti txangu txitimwi kwawe, kasi kukombisa kuhenya kwangu amu txiwulani.

Masalmo 50:17

na kuve khu tsaki, ngako ni txi kukawuka wo mbi khatala ngu mapswi angu kani?

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

2 Vafumeli 21:11

Ngako Manasi, mfumeli wa ka Judha, a nga maha manyala yawa, kupinda hambi tile va nga mahisa tona Vaamori, avava va nga khata ve hoka hambi kona Judha a va onhisile ngu sithombe sakwe,

1 Vafumeli 18:13

Ina va ngava va sa m'gela nyamne wangu ati ni nga maha, mbimo yile Jezabheli a nga dayela vaprofeti va Mkoma, akule ni nga sisa 100 wa vaprofeti va Mkoma, ngu mtxhanu wa magumi, ni mtxhanu wa magumi ka maphala okari, na ni txi va ninga mapawu ni mati kani?

Valamuli 10:6

Sekoko vanana va ka Israyeli va to khateta kambe kumahetela kubiha masoni ka Mkoma. Se va to thumela Vabhahali, ni Vaastarote, ni sizimu sa Vasiriya, ni sizimu sa Vasidhoni, ni sizimu sa Vamowabhi, ni sizimu sa Vaamoni, ni sizimu sa Vafilista, kambe va to tshuralela Mkoma, va si mkhozeli.

Nehemiya 9:29

Se u va laya ti to ve tshumelela ka mlayo wako; aniko vona va to ti kulisa, va si engisi sirumo sako, ve onhela wululamo wako, awu ngako m'thu a txi wu londisa a na hanya.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Jeremiya 16:11

Sekoko u na khawe kwawe: “Vatate vanu va ni lekile, kuwomba Mkoma, ve londetela simwani sizimu, ve si thumela ni ku si khozela; va ni lekile, kha va vekisa mlayo wangu.

Jeremiya 32:23

va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.

Jeremiya 42:19

Mkoma a mi gete anu misalela ya ka Judha: Mi nga wuleleni Egipta; zivani ngu ditshuri ati ni nga mi elela nyamsi.

Sidilo 3:42

Hi ti lambisile hi kuonhela, awe Mkoma, ngu mhaka yeto, khwa hi divavela.

Dhewuteronome 32:14

bhotela ya tihomu ta mikati ni masi a mtxhambi, ni mafura a sinvutana ni sihambana, sa kuta ngu Bhasani, ni a vamabhongwe, ni mafura a mpupu wa wunene wa fulaho; kambe u sete mnoha wa mauvha, i ku vhinya ya yinene.

Dhewuteronome 32:15

Se Jesurumi a dyite e khura, a txi ena; u enile, u enile, u tala ngu mafura; se a lekile Txizimu txi txi nga mmaha; kambe a eyisile Dirigwi da kuhanyiswa kwakwe.

2 Vafumeli 21:10

Sekoko Mkoma a to womba-womba ngu mithumo ya sithumi sakwe i ku vaprofeti, a txi khene:

Jeremiya 2:7

Ni mi nehile ditikoni ko pfuna, kuva mi ta dya mihando ya kona ni kuzumbiseka ka dona. Aniko hale mi nga wulela ka dona mi di nyenyezisile ditiko dangu; ni thomba yangu mi yi mahile manyala.