Nehemiya 9:24 - Bhiblia Yo Sawuleka

²⁴ Ngu kumaha keto, vanana vawe va to wulela ka dona ve di teka; se u wisile hahatshi masoni kwawe, vahanyi va ditiko dile, i ku Vakanana, u va ningela manzani kwawe, ni vafumeli, ni vathu va ditiko, kasi ku va Israyeli va na maha kuranda kwawe ngu vona.

Nehemiya 9:24 Referans Kwoze

Joxuwa 21:43

Ti di ngeto, Mkoma a ningete ka vanana va ka Israyeli ditiko dotshe dile a nga thembisa ngu kuxambanya, ti to a na di ningela ka vatate vawe. Va to di amukela ve zumba ka dona.

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Joxuwa 11:23

Ngu kumaha keto, Joxuwa a to teka dotshe ditiko diya, nga tona ti Mkoma a nga ti wombile ka Mosi; se Joxuwa a to di ningela di txi maha thomba ya vanana va ka Israyeli, madingano ni kuabanelana kwawe, ngu tihunzu tawe; se ditiko di to humula yimbi.

2 Timoti 2:26

ni kuvaninga kambe kutshumela ve wuya ka wuzivi, txi va ponisa ka mlawu wa Sathani, a nga ti va bzwetile ngu wona, kasiku ve maha kuranda kwakwe.

1 Makronika 22:18

Ina Mkoma Txizimu txanu kha nga ni nanu, niku kha mi ninga kuhumula ka otshe madhawa kani? Nguko a ningete manzani kwangu vazumbi va ditiko; se ditiko di hahatshi ka Mkoma ni ka vathu vakwe.

Joxuwa 21:45

Kha ku nga ho dipswi ni da dimwedo, di nga wa hahatshi ka otshe mapswi amanene, aawa Mkoma a nga ma womba ka va ka Israyeli; totshe ti mahekile.

Mitengo 14:31

Aniko vanana vanu, avale mi ku khanu va na ya tekwa ve maha tikhumbi, ngu vona ni no va maha ve wulela; se va na ya ziva ditikodo anu mi ngadi lamba.

Valamuli 4:23

Txizimu txi khozisile Jabhini, mfumeli wa Kanana, masoni ka vanana va ka Israyeli.

Joxuwa 10:40

Ngu toneto, Joxuwa a khozisile dotshe ditiko, mimango ni Negebhe, ni libala ni mikova yotshe, ni vafumeli va kona votshe; kha nga leka ni wammweyo wo sala, a to si lovisa sotshe si si nga ya maneka si txi hanya, nga ti Mkoma, Txizimu txa ka Israyeli, a nga va leletisa tona.

Joxuwa 12:12

mfumeli wa Egloni, mfumeli wa Gezeri,

Joxuwa 12:24

ni mfumeli wa Tiriza, mtengo wawe mbwa magumi mararu ni mmweyo.

Esteri 9:5

Vajudha koko va to daya votshe valala vawe, ngu ditxhari, ve va daya, ve va lovisa; va txi maha kuranda kwawe txitimwi ka vale va nga ti va vengela.