Nehemiya 9:22 - Bhiblia Yo Sawuleka

²² Kambe u va ningile mifumo ni matiko, u va ambanisela tithomba; se vona va to teka ditiko da Seyoni, i ku ditiko da mfumeli wa Hesibhoni, ni ditiko da Oge, mfumeli wa Bhasani.

Nehemiya 9:22 Referans Kwoze

Masalmo 105:44

Txi va ningile ditiko di i nga ti da vamwani vathu ve dya mitxelo ya kudimwa ngu vamatiko,

Masalmo 78:65

Sekoko Mkoma a to wuka, ku nga o vhumuka ngu ha wukoheni, ku nga ndena yi nga ambuluka kulevani ka vhinya.

Joxuwa 11:23

Ngu kumaha keto, Joxuwa a to teka dotshe ditiko diya, nga tona ti Mkoma a nga ti wombile ka Mosi; se Joxuwa a to di ningela di txi maha thomba ya vanana va ka Israyeli, madingano ni kuabanelana kwawe, ngu tihunzu tawe; se ditiko di to humula yimbi.

Joxuwa 10:11

Se ku to maheka taku, mbimo yi va nga ti thava masoni ka va ka Israyeli, mkovani ka Bheti-Horoni, Mkoma a to wisa ngu nzumani marigwi a hombe txitimwi kwawe kala kuhoka Azeka, aha va nga mbambamela kona. Mbavangi ngutu avale va ngafa ngu marigwi a maralala kupinda avale va nga dawa ngu matxhari a vanana va ka Israyeli.

Dhewuteronome 32:26

Ni ti khani: “Ni na va hangalasa, va si swi va txi alakanywa hagari ka mafu!”

Dhewuteronome 1:4

atiya ti mahekile msana ka kuva a di xute Sihoni, mfumeli wa Vaamori, avale va nga ti akile Hesibhoni, ni Oge, mfumeli wa Bhasani, a nga ti akile Axitaroti, ni Edreyi.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Dhewuteronome 4:46

Na va di mtxhatuko ka Jordhani, mkovani ka hafuhi ni Bheti-Peyori, ditikoni ka Seyoni, mfumeli wa Vaamori, a nga ti akile Hesibhoni, awule Mosi ni vanana va ka Israyeli, va nga mxula, kuhumani kwawe ngu ditikoni ka Egipta.

Dhewuteronome 4:47

Ve teka ditiko dakwe ni ditiko da Oge, mfumeli wa Bhasani, matiko a vafumeli vava va vambidi va Vaamori, va nga ti akile ngu mtxhatuko ka Jordhani.

Jeremiya 27:5

Ngani ni nga va nga ditiko, ni vathu, ni sihari si si kuho ha mafuni, ngu mtamo wangu wa hombe ni diwoko dangu di nga nawuluka, na si ninga ka wu ni randako ku mninga.

Jeremiya 32:23

va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.