Nehemiya 9:20 - Bhiblia Yo Sawuleka

²⁰ Se u va ningile moya wako wa wunene, kuve gondisa ngu wona; hambi manna ako khu ya thavisa txisofuni kwawe; ni mati o sela u va ningile.

Nehemiya 9:20 Referans Kwoze

Masalmo 143:10

Ni gondise kumaha kuranda kwako; nguko awe ngawe Txizimu txangu. Moya wako wa wunene wu na ni tsimbitise ka nzila yo lulama!

Mitengo 11:17

Sekoko ani, ni na kwitima ni ta womba-womba ni nawe konaho; se ni nata hungula moya wu wu ku nemelako wekha, ni wu veka kwawe, kasi ve kuvhuna; se moya wu na kuvhuna kurwala vathu, na i si ngawe wekha u rwalako.

Johani 4:10

Se Jesu a to xamula a txi khene: “Idiku wo txi ziva txihiwa txa Txizimu, ni ti to i mani wule a ku khene: ‘Hi nga niha mati o sela’ nga i di awe u mu kombelako ti to ene e kuninga mati a kuhanya.”

2 Pedro 1:21

Nguko, kuwalo dipswi ni da dimwedo da wuprofeti adi di nga wombwa ngu kuranda ka m'thu. Aniko vathu vo sawuleka va va nga susumetwa ngu Moya wo sawuleka, ngu vona va va nga womba-womba ngu ditina da Txizimu.

Isaya 48:21

Se Jakobe asi nga ni ditora, mbimo yile a nga mtsimbitisa ngu txiwulani; a to mkhulongisela mati ngu mu ka dirigwi; e bhandisa marigwi, se mati me pfukula ngu konemo.

Vaefesu 5:9

Nguko mihando ya liwoningo ngu wunene ni kululama ni ditshuri.

Johani 4:14

aniko awule a selako mati yawa ni no mninga ani, kha na mbiswa a txi pfa ditora; kambe mati yawa ni no mninga, ma na hinduka mndani kwakwe ma txi maha txisima txa mati yawa ma mu ningako wutomi wo mbi guma.”

Masalmo 105:41

Txi to tula dirigwi, ku txi huma mati, ma txi khulunga txiwulani nga mnambo.

Joxuwa 5:12

Se mangwanani ka kona, manna ma to leka kuwa, msana ka kule va nga dya fulaho ya mafuni, ya dilembe di di nga pinda, se vanana va ka Israyeli kha va amukela kambe manna; aniko ka dona dilembedo, va to dya mihando ya yiphya ya ditiko da Kanana.

Eksodha 17:6

Ziva ti to ani ni na va masoni kwako, txitimwi ka mmango wa Horebi; u na ya peka txiwindi ngu ndonga, mati ma na huma ngu ka txona, aawa vathu va no sela.” Mosi a to maha toneto masoni ka madhota a ka Israyeli.

Eksodha 16:15

Ngako va di si woni, vanana va ka Israyeli va wombile hagari kwawe va txi kha vona: “Njitxani txiya kani?” Nguko va si ti zivi ti to i nga va txani. Mosi a ti khene: Asiya nzakudya si Mkoma a mi ningako kuve idi mndiwo wanu.

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

Varoma 15:30

Se na mi kombela, vanathu, ngu Mkoma wathu Jesu Kristu, ni lirando la Moya, ti to mi lwa kumweko ni nani ngu mikombelo yi mi yi yisako ka Txizimu, mi txi kombelela ani,

Isaya 49:10

Kha va na mbiswa va txi pfa nzala, mwendo ditora, hambi txiwunda mwendo ditambo, kha si na mbi va xanisa, nguko awule a ku ni wumbilu navo, a na va tsimbitisa, e va yisa ngu kuthutha sisimani ka mati.

Eksodha 16:35

Se vanana va ka Israyeli va dyite manna mndani ka mtengo wa mune wa magumi a malembe kala va txi hoka ka ditiko di di nga akwa va dyite manna kala va txi hoka mihinganoni ka ditiko da Kanana.

1 Vakorinto 10:3

Votshe va dyite sakudya simweso sa moya,

Hagayi 2:5

madingano ni dipswi di ni nga pfana ni nanu, mbimo yile mi nga huma ngu Egipta, se Moya wangu wu ti ti zumba hagari kwanu; mi nga thaveni.

Eksodha 16:4

Sekoko Mkoma a wombile ka Mosi a txi khene: “Ni na mi nisela sakudya ngu nzumani: Vathu va na huma va txi rolela mpimo wa ditshiku ni ditshiku, ni lava kuwona ti to mwendo votshe va vekisa mithetho yangu mwendo kha va vekisi.

Eksodha 17:3

Konaho vathu va manekile va txi pfa ditora, ve khata kungungurukela va txi wukela Mosi, va txi kha vona: “Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”