Nehemiya 9:19 - Bhiblia Yo Sawuleka

¹⁹ Kambe awe ngu wunene wako wa hombe, khwa va leka txiwulani. Phande ya direfu kha yi khali kuve kule navo ni mitshikari amu kova komba nzila, hambi direfu da mndilo ni wusiku, kasi ku va wonigela ni ku va komba nzila yo tsimbila ngu yona.

Nehemiya 9:19 Referans Kwoze

Masalmo 106:45

a to alakanya txitumelelano txi a nga maha navo e telwa ngu wusiwana navo, nguko lirando lakwe nda hombe.

Nehemiya 9:27

Ngu toneto, u va ningete manzani ka valala vawe ve va xanisa; kambe ka mbimo ya kuxaniseka kwawe, va pekile huwa kwako, awe u to engisa u di nzumani; se ngu mhaka ya wumbilu wako wa hombe, u va ningile vatxhatxhisi, va va nga va txhatxhisa manzani ka vaxanisi vawe.

Malakiya 3:6

Nguko ani Mkoma, kha ni txitxi; ngu mhaka yeto, anu vanana va ka Jakobe, kha mi loviswi.

Nehemiya 9:12

Se u va kombile nzila ni mitshikari ngu direfu, ni wusiku u va kombile nzila ngu phande ya mndilo, kasi kuwoninga nzila yi va no tsimbila ngu yona.

Dhaniyeli 9:18

Awe Txizimu txangu, namisa tinzeve tako u engisa; tula maso ako u wona marumbi athu, ni didhoropa di di dhanwako ngu ditina dako, nguko kha hi ya tisa kudila kwathu masoni kwako, ngu kululama kwathu, kambe ngu mhaka ya wumbilu wako wo tala.

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

Mitengo 14:14

Se vona va na womba ka vaaki va diya ditiko, nguko vona va engisile ti to awe Mkoma, u zumba hagari ka vava vathu, ni ti to awe wa kombisa khohe yako, ni direfu dako di zumba txitimwi kwawe, ni yimwani mhaka ta ziwa ti to ni mitshikari wa thangela masoni kwawe ngu direfu, ni wusiku kambe waho ngu kutura ka mndilo.

Ezekhiyele 20:22

Aniko ni khwanyetile dianza, ngu mhaka yo randa ditina dangu, kasi ku di si nyenyeziswi masoni ka matiko, ka vale ni nga va humisa ka vona.

Ezekhiyele 20:14

Ati ni nga maha i mhaka ya ditina dangu ti taku di si nyetiselwi masoni ka matiko ale ni nga va humisa ka ona.

Sidilo 3:22

Wumbilu wa Mkoma, ngu wona wu mahako ti to hi si fuviswi; nguko wumbilu wakwe kha wu na magwito.

Isaya 44:21

Alakanya timhaka eto, awe Jakobe, ni nawe Israyeli, ngako u ku txithumi txangu; ani ni ku vangile, awe Israyeli u txithumi txangu; kha ni na mbi kudivala.

Nehemiya 9:31

Kambe, ngu mhaka ya wunene wako wa hombe, khwa va haxula, hambi ku va leka; nguko awe u Txizimu txa wunene ni wumbilu.

Eksodha 40:38

Nguko direfu da Mkoma di ti ti fenengeta ditenda do sawuleka ni mitshikari, se ni wusiku mndilo wu wu nga ti tura mu direfuni wu ti ti woninga yotshe nyumba, na va txi ti wona vanana va ka Israyeli, ka otshe masiku a dipfhumba dawe.

1 Samuwele 12:22

Nguko Mkoma kha na mbi leka vathu vakwe, ngu mhaka ya ditina dakwe da hombe, nguko Mkoma ti mtsakisile ti to mi maha vathu vakwe.

Eksodha 40:36

Mbimo yi direfu di nga ti khukha txitimwi ka ditenda do sawuleka, sekoko vanana va ka Israyeli va ti ti khukha ve tsimbila.

Dhewuteronome 8:2

Alakanya yotshe nzila yi Mkoma, Txizimu txako, a nga maha ti to u txi tsimbila ngu yona, mune wa magumi a malembe, txiwulani, kasi ku kukhozisa ni ku kuduka, ti to e ziva ati ti ku mbiluni kwako, ti to mwendo u na vekisa sirumo sakwe, niku khu na mbi si vekisa.

Masalmo 136:16

Awule a nga tsimbitisa vathu vakwe amu txiwulani; nguko lirando lakwe nda kala kupinduka!

Ezekhiyele 20:17

Hambi keto diso dangu di va divalete, ni si va dayi, hambi ku va heta amu txiwulani.