Nehemiya 9:15 - Bhiblia Yo Sawuleka

¹⁵ Se u va ningile sakudya sa nzumani kasi kuve mana kumalata nzala yawe, ni mati o huma dirigwini kasi ku tima ditora dawe. Kambe u va leleta kuve wulela ve teka ditiko dile u ngadi gulela dianza u txi khawe u na va ninga.

Nehemiya 9:15 Referans Kwoze

Dhewuteronome 1:8

Ngu diya ditiko di ani ni nga mi ninga; wulelani ka dona mi txi di fuma, adi Mkoma, ngu txixambanyo, a nga thembisa ku di ningela ka vatate vanu, Abrahamu, Isaake ni Jakobe, se ngu msana kwawe di na va i di da situkulwana sawe.

Eksodha 17:6

Ziva ti to ani ni na va masoni kwako, txitimwi ka mmango wa Horebi; u na ya peka txiwindi ngu ndonga, mati ma na huma ngu ka txona, aawa vathu va no sela.” Mosi a to maha toneto masoni ka madhota a ka Israyeli.

Eksodha 16:4

Sekoko Mkoma a wombile ka Mosi a txi khene: “Ni na mi nisela sakudya ngu nzumani: Vathu va na huma va txi rolela mpimo wa ditshiku ni ditshiku, ni lava kuwona ti to mwendo votshe va vekisa mithetho yangu mwendo kha va vekisi.

Ezekhiyele 20:15

Hambi keto ni guletile dianza txitimwi kwawe, amu txiwulani, kasi ni si va leki ve wulela ka ditiko dile ni nga ti ti va ningile, dile di khulungako masi ni wulombe, kambe i ku wudhundo wa matiko otshe.

Masalmo 114:8

txi nga hindula siwindi si maha maziva a mati ni marigwi me maha sisima sa mati.

Dhewuteronome 8:3

Se ene a mahile ti to u txi xaniseka, a ku lekile u di ni nzala, e kudyisa manna ale awe u nga ti si ma zivi, hambi vatate vako va ti si ma zive, kasi ku kukomba ti to m'thu kha hanyi ngu sakudya dwe, aniko m'thu a na hanya ngu totshe ti ti humako txisofuni ka Mkoma.

Nehemiya 9:20

Se u va ningile moya wako wa wunene, kuve gondisa ngu wona; hambi manna ako khu ya thavisa txisofuni kwawe; ni mati o sela u va ningile.

Dhewuteronome 1:21

Wona Mkoma, Txizimu txako, a ku ningile ditiko diya: Kwela u txi ya di teka, nga ti Mkoma, Txizimu txa vatate vako, a nga kuleletisa tona. U nga ve ni dizowa, kambe u nga dhudhumele.

Mitengo 14:30

Lambi, kha mi na mbi wulela ka ditiko di ni nga xambanya ti to mi aka ka dona; hahanze ka Kalebhi mwana Jefoni, ni Joxuwa, mwana wa Nuni.

Genesisi 14:22

Aniko Abramu a xamute ka mfumeli wa Sodhoma, a txi khene: “Na xambanya ngu kugula dianza dangu masoni ka Txizimu Nyatxitimwi, i ku M'vangi wa nzuma ni mafu,

Eksodha 6:8

Ngu msana ani ni na mi yisa ka ditiko di ni nga thembisa ngu txixambanyo ka Abrahamu, ka Isaake ni ka Jakobe; kambe ni na mi ninga di txi maha thomba yanu; ani ngani Mkoma.

Eksodha 17:3

Konaho vathu va manekile va txi pfa ditora, ve khata kungungurukela va txi wukela Mosi, va txi kha vona: “Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”

Isaya 48:21

Se Jakobe asi nga ni ditora, mbimo yile a nga mtsimbitisa ngu txiwulani; a to mkhulongisela mati ngu mu ka dirigwi; e bhandisa marigwi, se mati me pfukula ngu konemo.

Jeremiya 32:23

va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.