Nehemiya 9:12 - Bhiblia Yo Sawuleka

¹² Se u va kombile nzila ni mitshikari ngu direfu, ni wusiku u va kombile nzila ngu phande ya mndilo, kasi kuwoninga nzila yi va no tsimbila ngu yona.

Nehemiya 9:12 Referans Kwoze

Nehemiya 9:19

Kambe awe ngu wunene wako wa hombe, khwa va leka txiwulani. Phande ya direfu kha yi khali kuve kule navo ni mitshikari amu kova komba nzila, hambi direfu da mndilo ni wusiku, kasi ku va wonigela ni ku va komba nzila yo tsimbila ngu yona.

Masalmo 143:8

Ni ninge kupfa wumbilu wako ni mixo, nguko ani ni themba awe. Ni kombe nzila yi ni fanelako kutsimbila ngu yona; nguko ni guleta moya wangu kwako.

Masalmo 107:7

A to va tsimbitisa ngu nzila yo lulama, e va yisa ka ditiko di va fanelako kuaka ka dona.

Masalmo 105:39

Txizimu txi to nawuluta direfu txi fenengeta va ka Israyeli ni mitshikari txi wuyisa mndilo wa ku va woninga ni wusiku.

Masalmo 78:14

Ni mitshikari, txi ti va komba nzila ngu direfu se, ni wusiku, txi ti va woninga nzila ngu mndilo.

Eksodha 15:13

Ngu wunene wako, u hulukisile ni kutsimbitisa ngamu yako ngu mtamo wako, u va tsimbitisile va txi ya ditikoni kwako ko sawuleka.

Mitengo 9:16

Direfu di ti ti fenengeta nyumba yotshe mbimo, ni wusiku ku txi woneka txifananiso txo nga mndilo wo tura.

Dhewuteronome 1:33

awule a nga thangela masoni, a txi mi lavela wukhalo, kasi ku mi txi gova ka wona, ni wusiku a txi mi woninga ngu mndilo, ti to mi mana kuwona nzila yi mi fanelako kutsimbila ngu yona, ni mitshikari a txi mi komba nzila ngu direfu.

Mitengo 9:21

Kambe ngako direfu di txi ema kukhukhela minova kala mixo, di txa nga khukha direfu ni mixo yile, ni vona va txa so khukha; ngako direfu di txi zumba ditshiku dotshe ni wusiku, va si sikoti kukhukha.

Ezekhiyele 20:6

Ka ditshiku dile ni va gulete dianza, kasi ku va humisa ditikoni ka Egipta, va txi ya ka ditiko di ni nga ti va vekete dona, emo ku khulungako masi ni wulombe, i ku wudhundo ka otshe matiko.