Nehemiya 9:10 - Bhiblia Yo Sawuleka

¹⁰ U kombisile sixamaliso ni sidiwukiso ka Faro, ni ka sotshe sithumi sakwe, ni ka vathu votshe va ditiko dakwe, nguko wu ti zivile ti va nga xanisisa tona vathu vako, se ngu kumaha keto u ti manete ditina, kufana ni ti ti wonekako nyamsi.

Nehemiya 9:10 Referans Kwoze

Dhaniyeli 9:15

Kha ditshuri, awe Mkoma, Txizimu txathu, u nga humisa vathu vako ditikoni ka Egipta ngu dianza dako da mtamo, aniko u mana ditina, i ku ti ti wonekako nyamsi, hi onhile; hi mahile kubiha.

Jeremiya 32:20

Awe u mahile sikombiso ni sixamaliso ditikoni ka Egipta, ni txitimwi ka Israyeli, ni hagari ka vamwani vathu kala ni nyamsi kuwa; u ti mahete ditina di u ku nado ka diya ditshiku;

Isaya 63:14

Kufana ni txihari txi txi relelako mikovani, Moya wa Mkoma wu va ningile kuhumula; ngu toneto u tsimbitisile vathu vako, kasi ku ti mahela ditina do dhundeka.

Isaya 63:12

wule diwoko dakwe do dhundeka, a nga maha ti to di tsimbila ka dianza da txinene da Mosi kani? A nga abanisa mati masoni kwawe, kasi ku ti mahela ditina da kwa mbi gwita kani?

Dhewuteronome 4:34

Mwendo njizimu txokari txi nga duketa kuya teka vathu hagari ka vamwani vathu, ngu mithumo ni sikombiso, ni sixamaliso, ni kulwa ngu dianza do tsana, di nga guleka ni mithumo ya hombe yo thisa ku nga totshe tile Mkoma, Txizimu txako, a nga ti maha ditikoni ka Egipta, na anu mi txi ti wona kani?

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

Varoma 9:17

Ngu toneto, Mibhalo yi wombako ka Faro, yi txi kha yona: “Ni ku wusile kasiku ni komba mtamo wangu ngu kwako, ni kuva ditina dangu di txi pfaliswa ka dotshe ditiko.”

Mithumo 7:36

Ngene a nga va humisa ngu kumaha sidiwukiso ni sikombiso ditikoni ka Egipta, ni Lineneni ko Bhilivila, ni txiwulani, mndani ka mune wa magumi a malembe.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Ezekhiyele 20:9

Ati ni nga maha koko, i mhaka ya kuranda ditina dangu, kasi di si ruketelwi masoni ka vamatiko, vale va ku hagari ka vona, avo ni nga ti wonekisa ka vona, kasi ku va humisa Egipta.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Eksodha 7:1

Sekoko Mkoma a to khene ka Mosi: “Wona taku ni kumahile Txizimu masoni ka Faro; se Aroni, mwananu, a na va mprofeti wako.”

Eksodha 3:20

Ngu mhaka yeto, ni na nawuluta dianza ni txi peka ngu dona ditiko da Egipta, ngu sixamaliso sotshe ni no si maha kwawe; msana ka toneto ngu kona ene a no mi leka mi txi tsula.

Eksodha 9:16

se ngu mhaka ya toneto, ni ku lekile ni txi ku emisa kasi ku ni txi kukomba mtamo wangu, ni ti to ditina dangu di txi huwelelwa ha ditikoni kotshe.

Nehemiya 9:16

Hambi keto vona, vatate vathu va to ti kulisa, ni ku ti nemelisa kuthumani kwawe, va si engisi milayo yako.

Nehemiya 9:29

Se u va laya ti to ve tshumelela ka mlayo wako; aniko vona va to ti kulisa, va si engisi sirumo sako, ve onhela wululamo wako, awu ngako m'thu a txi wu londisa a na hanya.

Dhewuteronome 7:19

Sikarato sa hombe, asi maso ako ma nga si wona, sikombiso ni sidiwukiso, asile dianza do tsana ni diwoko do nawulutwa, adile Mkoma, Txizimu txako, a nga kuhumisa ngu dona. Mkoma, Txizimu txako, a na mahisa toneto ngu vale vathu u va thavako!

Isaya 42:20

Awe wa wona so maha sasingi, aniko khu si vekisi; hambi u di tute tinzeve, khu engisi txilo.