Nehemiya 8:9 - Bhiblia Yo Sawuleka

⁹ Se Nehemiya, wu i nga ti mfumeli ni mphaxeli Ezra, mabhalani, ni Valevhi vale va nga ti gondisa vathu va to kha vona ka votshe vathu: Ditshiku diya di sawulekile ka Mkoma Txizimu txanu, ngu toneto mi nga titsetseni, hambi ku ti dilela. Nguko votshe vathu va to dila va txi pfa mapswi a Mlayo.

Nehemiya 8:9 Referans Kwoze

Nehemiya 7:70

Se mtengo wa vathangeli va vatate vawe, va to ningela so aka ngu sona; mtirsa a to ningela txisangalani, nzalama ya 1.000 wa madhariko, mtxhanu wa magumi a mikamba, ni 530 wa syambalo sa wuphaxeli.

Nehemiya 7:65

Se mtirsa a to va gela ti to va nga dye so sawuleka, kala kuza kumaneka mphaxeli, a di ni Urime ni Tumime.

Dhewuteronome 12:12

Se mi na tsaka masoni ka Mkoma, Txizimu txanu, anu ni vanana vanu va majaha ni vamahorana, ni sithumi sanu sa vavamna ni sa vavasikati, ni Valevhi vale va zumbako madhoropani kwanu nguko vona kha va nga ni txyavelo, hambi thomba, kumweko ni nanu.

Nehemiya 8:2

Se mphaxeli Ezra a to neha Mlayo masoni ka msengeletano, ka vavamna, ni vavasikati ni ka totshe titxhari ti ti no pfisisa mbimo yi di no gondwa, ngu ditshiku do khata da mtxima wa wutxhanu ni yimbidi.

Dhewuteronome 16:11

Se u na tsaka masoni ka Mkoma, Txizimu txako, awe ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi wule a hanyako didhoropani kwako, ni mluveli, ni wo felwa ngu vaveleki, ni noni, avale va hanyako kumweko ni nawe, mi na ya tsakela ka wukhalo wu wu nga sawulwa ngu Mkoma, Txizimu txako, kasi ku ditina dakwe di txi zumba kona.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Ekleziyaste 3:4

mbimo ya kudila, ni mbimo ya kuseka; mbimo ya xomulo, ni mbimo ya kusinya;

Ezra 2:63

Se mfumeli kha va tumela ti to vedya sile so sawuleka, kala kuza kumaneka mphaxeli a di ni Urime ni Tumime.

Dhewuteronome 12:7

Se mi na ya dya masoni ka Mkoma, Txizimu txanu, mi na ya tsaka ngu wotshe mthumo wa manza anu, anu ni yotshe mimwaya yanu, mi tsakela asi Mkoma, Txizimu txanu, a no va a di mi katekisile ngu sona.

Levhi 23:24

Gela vanana va ka Israyeli u txi khawe: Ditshiku do khata da mtxima wa wutxhanu ni yimbidi, ku nava i di ditshiku do humula: Mi fanete kuramba msengeletano wo sawuleka, mi maha txialakanyiso txo huwelela, ngu kuveta mpundu.

Varoma 7:9

Ni hanyile kale na ku si nga ni mlayo; kambe, ngako wu di bwakile mlayo, txionho txi to wuka;

Varoma 3:20

Ngu koneho kha ku nga ni wammweyo a no manwa a di lulamile masoni ka txona ngu mithumo ya mlayo, nguko mlayo wu ninga kuziva txionho dwe.

Malakiya 2:13

Timwani ti mi mahako ngu tiya: Mi tata txiluvelo txa Mkoma ngu mirongo, ni kudila, ni kuketa; a ha ko ene asi ngadi kambe e wona mningelo, hambi kuamukela sa manzani kwanu, a di tsakile.

Hoseya 4:6

Vathu vangu va lovisilwe, ngu kule va nga pwata wuzivi; nguko awe u lambile wuzivi, se nani na kulamba, kasiku u si mahi mphaxeli masoni kwangu; akule u nga divala mlayo wa Txizimu txako, nanani ni na divala vanana vako.

Nehemiya 12:26

Avava mba masiku a Joyakimi, mwana Jesuwa, wa mwana Jozadhake, ni masiku a Nehemiya, mfumeli, ni ka masiku a mphaxeli Ezra, mabhalani.

Nehemiya 10:1

Se ava va nga sayina ngu vava: Nehemiya, mwana Hakaliya, ni Zedhekiya,

Ezra 7:11

Dipapilo dile mfumeli Aritasasta a nga ninga mphaxeli Ezra, m'bhali wa mapswi, wa sirumo sa Mkoma, ni sileleto sakwe txitimwi ka Israyeli:

2 Makronika 35:3

A to gela Valevhi vava ti ningetako ka Mkoma avale va nga basiswa, va nga ti ni mthumo wo gondisa votshe va ka Israyeli, a txi khene: Wuletisani dibhokiso do sawuleka ka nyumba yi yi nga akwa ngu Solomoni, mwana Dhavhidha, mfumeli wa Israyeli; kha mi na mbi va ni mrwalo wuwa makatani kwanu. Konkuwa thumelani Mkoma, Txizimu txanu, ni vathu va txona va ka Israyeli.

2 Makronika 34:21

Tsulani mi ya wotisa ngu ditina dangu, ni da vathu vangu, ni dotshe ditiko da Israyeli ni da Judha, madingano ni mapswi a dibhuku diya di nga manwa, nguko kuhenya ka Mkoma nga hombe txitimwi kwathu; nguko vatate vathu kha va pfisisa mapswi a Mkoma, hambi ku londeta ni ta timweto ti ti nga bhalwa, amu ka dibhuku diya.

2 Makronika 34:19

Mbimo yile mfumeli a nga pfa mapswi a dibhuku da Mlayo, a to vharula syambalo sakwe.

2 Makronika 30:22

Ezekhiya a to womba-womba ka votshe va ka levhi ava va ku ni wutxhari wa wunene wo ziva Mkoma; se vathu votshe ve busa mtxhanu wa masiku ni mambidi, va ningela mningelo wa kudikha va txi dhumisa Mkoma Txizimu txa vatate vawe.

2 Makronika 15:3

Ka mbimo yo lapha va ka Israyeli va hanyile va si na Txizimu txa ditshuri, ni vaphaxeli vo va gondisa ni mlayo.

2 Vafumeli 22:19

Ngako mbilu yako yi nga rawula, u ti namisa masoni ka Mkoma, mbimo yile u nga engisa ni txi henya ngu wukhalo wuwa, ni vazumbi va kona, va ti dingana kufuviswa ni kuve txiruko, u vharulete syambalo sako, u dite masoni kwangu, kambe ni ku engisile, kuwomba Mkoma.

2 Vafumeli 22:11

Ku to maheka koko taku, mbimo yile mfumeli a nga pfa mapswi a dibhuku da Mlayo, e vharula syambalo sakwe.

Dhewuteronome 26:14

Kha na dya txilo kupandisekani kwangu, ni mbimo yile ni nga maneka ni sa basa, kha na thavisa txilo ka sona, hambi kumaha mningelo ngu sona ka vafi; ni engisile dipswi da Mkoma, Txizimu txangu, kambe ni mahile totshe nga ti u nga ni leletisa tona.

Jakobe 4:9

Zivani wusiwana wanu, salukani, mi txi dila; maseko anu ma na phinduke ma txi maha madila, litsako lanu li na phinduke li txi maha kupandiseka.