Nehemiya 8:8 - Bhiblia Yo Sawuleka

⁸ Se va to gonda dibhuku, ka Mlayo wa Txizimu, ngu ku junyatisa ni kutxhamusela, kasi ve kota kupfisisa ti ti gondwako.

Nehemiya 8:8 Referans Kwoze

Mithumo 28:23

Ngako va di mu vekete ditshiku, va to ta nyumbani kwakwe, i di vangi. Ka mapswi a kutxhamusela kwakwe, Paulo a ti fakaza ngu ta Mfumo wa Txizimu se kukhukhela ha mixo kala minova, a txi zama ku va kholwisa ngu ta Jesu, a txi va dinganisela ngu Mlayo wa Mosi ni Vaprofeti.

Luka 24:45

Sekoko a to va tula mapimo awe, kasiku ve mana kupfisisa Mibhalo;

Luka 24:32

Vona va to gelana va txi kha vona: “Ina hi si pfi kufutumela mndani ka timbilu tathu, mbimo yi a nga ti womba-womba ni nathu ha nzila, na a txi hi txhamusela ni ku hi tuletela ta Mibhalo, kani?”

Luka 24:27

Sekoko, a to khata ngu mibhalo ya Mosi ni ya vaprofeti e va txhamusela totshe ti ti wombawombako ngu ngene mu ka Mibhalo yotshe.

Habhakuki 2:2

Sekoko, Mkoma a to ni xamula a txi khene: Bhala txiwoniso, u wonekisa kha kwati aha ka mbila ya dirigwi, kasiku ni wuhi a gondako e ti pima ngu kukuluveta.

Ezra 4:18

Dipapilo dile u nga hi rumelela digondilwe kha kwati masoni kwangu.

Nehemiya 8:7

Se Jesuwa, ni Bhani, ni Serebhiya, ni Jamini, ni Akubhe, ni Sabhetayi, ni Hodhiya, ni Mahaseya, ni Kelita, ni Azariya, ni Jozabhadhi, ni Hanani, ni Pelaya, ni Valevhi va to gondisa Mlayo ka vathu, na vathu va di ha makhaloni kwawe.

Nehemiya 8:9

Se Nehemiya, wu i nga ti mfumeli ni mphaxeli Ezra, mabhalani, ni Valevhi vale va nga ti gondisa vathu va to kha vona ka votshe vathu: Ditshiku diya di sawulekile ka Mkoma Txizimu txanu, ngu toneto mi nga titsetseni, hambi ku ti dilela. Nguko votshe vathu va to dila va txi pfa mapswi a Mlayo.

Nehemiya 8:12

Sekoko, vathu votshe va to tsula veya dya ve sela, ve rumela sakudya ka vamwani, ve maha m'buso wa hombe, nguko va pfisisile mapswi ale va nga gelwa ona.

2 Vafumeli 23:2

Se mfumeli a to kwela Nyumbani ka Mkoma, kumweko ni votshe vazumbi va Jerusalema, ni vaphaxeli, ni vaprofeti, ni votshe vathu kukhukhela ka vavadotho kala ka vahombe; se a to gonda tinzeveni kwawe otshe mapswi a dibhuku da txitumelelano, di nga manwa Nyumbani ka Mkoma.

Nehemiya 9:3

Sekoko va di emile ka makhalo awe, va to gondelwa dibhuku da Mlayo wa Mkoma, Txizimu txawe, ngu txipimo txa wumune txa ditshiku; se ka txipimo tximwani txa wumune, va to titshanza, ve khozela Mkoma, Txizimu txawe.

Ezekhiyele 46:10

Se mthangeli a na wulela ni vathu mbimo yile va wulelako, e huma kumweko navo mbimo yile va humako.