Nehemiya 8:6 - Bhiblia Yo Sawuleka

⁶ Se Ezra a to dhumisa Mkoma, Txizimu txa hombe; vathu votshe va to xamula va txi “Amen! Amen!” Na va txi guleta mawoko; se va to khizama ve khozela Mkoma, va di namisile tikhohe hahatshi.

Nehemiya 8:6 Referans Kwoze

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

Sidilo 3:41

A hi guleteni timbilu tathu ni manza hi txi phaxa ka Txizimu txa nzumani, hi txi khathu:

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

2 Makronika 20:18

Sekoko Josafati a to nama e gwesa hahatshi ngu khohe, ni votshe va ka Judha ni vaaki va Jerusalema va to khizama masoni ka Mkoma ve mu khozela.

Mtuletelo 7:11

Totshe tingelozi ti ti emile, ti randela txikhalo txa wukoma, kumweko ni madhota ni mune wa sivangwa so hanya. Se tingelozi ti txi wa hahatshi ngu timbanza masoni ka txikhalo txa wukoma, ti txi khozela Txizimu, ti txi:

Masalmo 134:2

Gulani manza anu, nyumbani ko sawuleka, mi dhumisa Mkoma!

Nehemiya 5:13

Kambe ni to zuza nguwo yangu, ni txi khani: Ngu mamahelo awa Txizimu txi na zuze votshe vathu tinyumbani kwawe ni mithumoni kwawe, avale va si londetiko dipswi diya; va na zuzwe ve sala i di maphanga. Se wotshe msengeletano wu to kha wona: Amen! Aniko va to dhumisa Mkoma, se vathu va to maha madingano ni dipswi diya.

Genesisi 24:26

Sekoko wamwamna a to khizama a txi khozela Mkoma, Txizimu,

1 Makronika 29:20

Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.

Levhi 9:24

Ngu masoni ka Mkoma, ku to huma mndilo wu wu nga hisa mningelo wo hiswa, ni mafura awa ma nga ti ngu txitimwi ka txiluvelo. Mbimo yi vathu va nga ti wona totshe tiya, va to kwangula ngu kutsaka va txi ti wisa hahatshi, ngu tikhohe tawe.

Eksodha 12:27

Sekoko mi na khanu: Awuwa mphaxo wa Pasika ya Mkoma awu a nga pinda ngu masoni ka tinyumba ta vanana va ka Israyeli, mu ditikoni ka Egipta, mbimo yi a nga daya Vaegipta, aniko a hulukisile tinyumba tathu.” Sekoko va ka Israyeli va to ti namisa, va txi khizama, va txi khongela.

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

1 Vakorinto 14:16

Nguko, ngako u txi bonga ngu moya wokha ka Txizimu, se awule i kova m'thu dwe msengeletanoni, eko asi ti pfiko ati u wombako, a na sikotisa kutxani kuangula, a txi “Amen” ka mkombelo wako wa kubonga, kani?

Matewu 26:39

Se a di tshuketile kule nyana, a to ti wisa hahatshi, ngu mbanza, na a txi khongela, a txi khene: “Tata wangu, ngako ti txi koteka, digombe diya di na pinde kule ni nani; aniko, ti nga maheke nga kuranda kwangu, ti na maheke nga ti Awe u ti lavisako tona.”

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Jeremiya 28:6

Mprofeti Jeremiya koko a txi khene: Amen! Mkoma a na ti mahe eto. Mkoma a na tatise timhaka tako, ati u nga ti profeta, ta ku wuyisa siya sa Nyumba ya Mkoma, ni votshe va ku wukhumbini ka Bhabhilona, va txi wuya hawa.

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

Masalmo 63:4

ni na ku bonga otshe masiku a kuhanya kwangu; ni na guleta manza angu me komba kwako ngako ni txi khongela.

Masalmo 41:13

A na dhumiswe Mkoma, Txizimu txa ka Israyeli, konkuwa ni yotshe mbimo! Ti na maheke! Amen ni amen!

Masalmo 28:2

Engisa mikombelo yangu, ngako ni txi kudhana, nga ti ni txi guleta manza angu, ni txi ma yisa nyumbani kwako ko sawuleka.

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

2 Makronika 6:4

A txi khene: A na dhumiswe Mkoma, Txizimu txa ka Israyeli, a nga womba ngu txisofu txakwe ka tate wangu Dhavhidha, ni kumaha ngu dianza dakwe, a txi khene:

Genesisi 14:22

Aniko Abramu a xamute ka mfumeli wa Sodhoma, a txi khene: “Na xambanya ngu kugula dianza dangu masoni ka Txizimu Nyatxitimwi, i ku M'vangi wa nzuma ni mafu,

1 Makronika 16:36

Ku na dhumiswe Mkoma Txizimu txa Israyeli, ngu malembe ni malembe. Se votshe vathu va to kha vona: Amen! Se ve dhumisa Mkoma.

Nehemiya 8:7

Se Jesuwa, ni Bhani, ni Serebhiya, ni Jamini, ni Akubhe, ni Sabhetayi, ni Hodhiya, ni Mahaseya, ni Kelita, ni Azariya, ni Jozabhadhi, ni Hanani, ni Pelaya, ni Valevhi va to gondisa Mlayo ka vathu, na vathu va di ha makhaloni kwawe.

1 Makronika 29:10

Ngu kumaha keto, Dhavhidha a to dhumisa Mkoma masoni ka wotshe msengeletano, a txi khene: Bongwa awe Mkoma Txizimu txa tate wathu Israyeli, ka yotshe mbimo.

2 Makronika 29:10

Konkuwa mbiluni kwangu ni alakanya ti to hi maha txitumelelano ni Mkoma, Txizimu txa Israyeli, kasi ku kuhenya ka Mkoma kuhambuka kwathu.

Masalmo 95:3

Nguko Mkoma Njzimu txa hombe, kambe Mfumeli wa hombe txitimwi ka sotshe sizimu.