Nehemiya 8:2 - Bhiblia Yo Sawuleka

² Se mphaxeli Ezra a to neha Mlayo masoni ka msengeletano, ka vavamna, ni vavasikati ni ka totshe titxhari ti ti no pfisisa mbimo yi di no gondwa, ngu ditshiku do khata da mtxima wa wutxhanu ni yimbidi.

Nehemiya 8:2 Referans Kwoze

Levhi 23:24

Gela vanana va ka Israyeli u txi khawe: Ditshiku do khata da mtxima wa wutxhanu ni yimbidi, ku nava i di ditshiku do humula: Mi fanete kuramba msengeletano wo sawuleka, mi maha txialakanyiso txo huwelela, ngu kuveta mpundu.

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.

Mitengo 29:1

Ngu kufana nito, mi na va ni kusengeletana ko sawuleka, ka mtxima wa wutxhanu ni yimbidi, ngu ditshiku do khata ka mtxima; mi nga maheni mthumo wo nemela ni wawumwewo; di na va ditshiku da kutsaka ka hombe kwanu.

Mithumo 15:21

Nguko kukhukhela ka timbimo ta kale, Mosi ana ni vagondisi ka otshe madhoropa, ava va gondako dibhuku da Milayo yakwe masinagogani, otshe masiku a Sabbata.”

Isaya 28:9

I mani koko a ndi no gondiswa wutxhari kani? Niku i mani a ndi no pima ati a nga tipfa kani? Ka wule a nga lumulwa ni ka wule a nga thaviswa ha tshumbuni kani?

Dhewuteronome 17:18

“Ngako ene a txi maneka a di ha txikhaloni kwakwe ka wukoma, a fanete ku ti bhalela mlayo wuwa amu ka dibhuku, madingano ni ti wu nga bhaliswa tona ka dibhuku da vaphaxeli va ka Levhi.

Nehemiya 8:9

Se Nehemiya, wu i nga ti mfumeli ni mphaxeli Ezra, mabhalani, ni Valevhi vale va nga ti gondisa vathu va to kha vona ka votshe vathu: Ditshiku diya di sawulekile ka Mkoma Txizimu txanu, ngu toneto mi nga titsetseni, hambi ku ti dilela. Nguko votshe vathu va to dila va txi pfa mapswi a Mlayo.

Nehemiya 9:1

Se ka ditshiku da magumi mambidi ni mune, ka wona mtxima wuwa, vanana va ka Israyeli va to sengeletana, ve ti tona sakudya, va di ambate syambalo sa masaka, va di ti theletete mafu ha msungo kwawe.

Joxuwa 8:35

Kha ka maneka ni dipswi ni da dimwedo, ka totshe tile Mosi a nga ti leletile, di nga mbi gondwa ngu Joxuwa masoni ka wotshe msengeletano wa ka Israyeli, ni ka vavasikati, ni ka vafana, ni ka valuveli vale va nga ti ti hagari kwawe.

Nehemiya 8:18

Se ditshiku ni ditshiku, a ti ti gonda dibhuku da Mlayo wa Txizimu, kukhukhela ditshiku do khata kala ka do gwita. Se va to maha m'buso wa mtxhanu wa masiku ni mambidi, ngu ditshiku da wutxhanu ni mararu, va to maha m'buso wo vhala, madingano ni kuruma ka mlayo.

Nehemiya 10:29

va to tsana ka vanawe, i ku vamwevo va tinduna hagari kwawe, ve tumelelana kufakazelana ni kuxambanya tito, va na tsimbila ngu Mlayo wa Txizimu va nga ningwa ngu tsisofu txa Mosi, txithumi txa Txizimu; ni ti to va na xayisa ni kumaha sotshe sirumo sa Mkoma, Txizimu txathu, ni wululamo wakwe, ni sileleto sakwe;

Nehemiya 13:1

Ka ditshiku dile, ku to gondwa mu ka dibhuku da Mosi, tinzeveni ka vathu; se ka dona ku to maneka taku, va ka Amoni ni va ka Mowabhi, va nga swe ve wulela ka msengeletano wa Txizimu,