Nehemiya 8:15 - Bhiblia Yo Sawuleka

¹⁵ Ngu ma mahelweyo va to zivisa ni kutxhumayela ka madhoropa awe otshe ni Jerusalema va txi kha vona: Humani mi ya mmangoni mi ya funya madhavi a muolivha, ni madhavi a zambhujero, ni madhavi a murita, ni madhavi a mitxhese, ni madhavi a mindonga ya hombe, mi ti akela midhuti madingano ni ti ti nga bhalwa.

Nehemiya 8:15 Referans Kwoze

Levhi 23:40

Ka ditshiku do khata, mi na hapha mihando yo tshamba, madhavi a mindonga yo tshura, madhavi a mitxhese, madhavi a mindonga yo txhuma, ni mipfhuwu ya mnamboni; kambe mi na tsaka, mi giya masoni ka Mkoma, Txizimu txanu, amu ka mtxhanu wa masiku ni mambidi.

Dhewuteronome 16:16

Sikhati siraru ngu dilembe votshe vavamna va fanete kuya ti kombekisa masoni ka Mkoma, Txizimu txako, ka wukhalo wule ene a nga wu sawula: Ka M'buso wa Mapawu o mbi Tshumbelwa, ni ka M'buso wa Mavhiki ni ka M'buso wa Matenda; kambe a nga ti kombekise masoni ka Mkoma a sa ñola txilo;

Levhi 23:4

Ayiya ngu yona mibuso ya Mkoma, i ku mibuso yo sawuleka, mi no yi ramba ngu mbimo ya kona yi nga emiselwa:

Mtuletelo 7:9

Msana keto, ni woni dibutho da hombe da vathu, ava ni mmweyo asi sikotiko ku va bala, va otshe matiko, totshe tixaka, yotshe mixowo, ni totshe tidimi. Va ti ti emile masoni ka txiluvelo ni masoni ka Txinvutana, va di ni syambalo so basa, na va di ñote mijindo manzani kwawe.

Johani 12:13

va to teka mahanga a mitxhese, ve mu hingeta, na va txi kwangula, va txi kha vona: “Hozana! A na dhumiswe awu a tako ngu ditina da Mkoma, Mfumeli wa Israyeli!”

Matewu 21:1

Ngako va di hafuhi ni Jerusalema, na se va di hokile Bhetfage, mmangoni ka Miolivha, Jesu a to ruma vambidi ka vagondiswa vakwe.

Genesisi 8:11

Se txituvani txi to tshumela txi wuya kwakwe ni minova, txi di ñote ngu mrotho ditshanzu litshambwati lo nakana la muolivha. Ngu kona Nowa a nga tiziva taku mati ma phwite txitimwi ka mafu.

Zakariya 1:8

Ni wusiku ni woni wamwamna a di gadhile dihantxhi do bhilivila, di di emile hagari ka mindonga ya mimurta, yi nga ti ti ka mkova wa hombe; se msana kwakwe ku ti ti ni mahantxhi o bhilivila, ni o bhilivilisa kunzihala, ni o basa.