Nehemiya 8:12 - Bhiblia Yo Sawuleka

¹² Sekoko, vathu votshe va to tsula veya dya ve sela, ve rumela sakudya ka vamwani, ve maha m'buso wa hombe, nguko va pfisisile mapswi ale va nga gelwa ona.

Nehemiya 8:12 Referans Kwoze

Masalmo 119:174

Mkoma, ani ni vilela kuhanyiswa ngu ngawe, nguko mlayo wako wu tsakisa mbilu yangu.

Luka 24:32

Vona va to gelana va txi kha vona: “Ina hi si pfi kufutumela mndani ka timbilu tathu, mbimo yi a nga ti womba-womba ni nathu ha nzila, na a txi hi txhamusela ni ku hi tuletela ta Mibhalo, kani?”

Masalmo 119:171

Ni na embelela ndando ya ku kudhumisa, nguko awe u ni gondisile kuziva milayo yako.

Masalmo 119:130

Txhamuselo ya mapswi ako ya tula maso, ya ninga mapimo ka sisiwana.

Masalmo 119:127

Ngu toneto, na randa ngutu milayo yako, kupinda nzalama ya yinene ngutu.

Masalmo 119:111

Thomba yangu ya yotshe mbimo ngu sileleto sako, nguko sa tsakisa mbilu yangu.

Masalmo 119:97

Mkoma, mlayo wako na wu randa ngutu! Na wu alakanyela otshe masiku.

Masalmo 119:72

Mlayo wu u nga ni ninga, kwangu wu ni lisima ngutu kupinda tithomba tatingi ta nzalama mwendo ta silivhela.

Masalmo 119:16

Ni na tsaka ngu milayo yako; kha ni na mbi divala mithetho yako.

Masalmo 119:14

Na tsaka ngutu ngu kulondisa milayo yako kupinda kumana totshe tithomba.

Jobe 23:12

Ka sileleto sa txisofu txa Txizimu, kha ni zivi ka nga hambuka. Se mapswi a mkanani ka txona ni ma dhundile kupinda si nidyako.

Varoma 7:18

Nguko na tiziva ti to ati i ku tinene kha ta aka kwangu, ni womba mmidini kwangu; nguko kulava kumaha ta tinene ni nako, aniko mtamo wa ku ti maha kha ni nga nawo.

Jeremiya 15:16

Timhaka tako ni ti mani, ngu tona i nga ti ti kudya kwangu; tona i ti ti litsako ni kuzilimuka ka mbilu yangu, nguko ni dhanwa ngu ditina dako, awe Mkoma, Txizimu txa Mabutho a Tiyimbi.

Mtuletelo 11:10

Vaaki va ditikonimo va na tsaka ngu toneto, va na giya ve ningana siningo, nguko vaprofeti vava vavambidi va ti ti xanisile vaaki va ditikodo.

Nehemiya 8:10

A to va gela kambe ku khene: Tsulani mi ya tidyela tinyama to nona, mi sela ni so lombela, mi rumela sakudya ka vale va nga mba ti longisela txilo; nguko ditshiku diya di sawulekile ka Mkoma wathu; ngu toneto mi nga ti xanise, nguko kutsaka ka Mkoma mtamo wanu.

Nehemiya 8:11

Se Valevhi va to malata votshe vathu, va txi kha vona: Malalani, nguko ditshiku diya ndo sawuleka; ngu mhaka yeto, mi nga ti xaniseni.

Nehemiya 8:13

Se mangwanani ka kona, ku to sengeletana vathangeli va vatate va votshe vathu, vaphaxeli ni Valevhi, ka Ezra, mabhalani, kasi kuya engisisa mapswi a Mlayo.

Esteri 9:22

i ku masiku ale Vajudha va nga mana kuhumula ka valala vawe, ni mtxima wule ku nga hunduluswa kuxaniseka kwawe kumaha kutsaka, ni txidilo txi nga maha ditshiku da kuhumula; kasi ku me maha masiku a mibuso ya hombe, ni a kutsaka, ni a kurumelelana siningo, ni kuvhuna sisiwana.

1 Makronika 29:22

Se ka ditshiku donedo, va to dya ni kusela masoni ka Mkoma, ngu kutsaka ka hombe; se va to fumisa Solomoni, mwana Dhavhidha, ka wumbidi, ve mtota ngu mafura a Mkoma kuva mthangeli, ni Zadhoki kuva mphaxeli.