Biblia Todo Logo
Bib sou entènèt

- Piblisite -




Nehemiya 8:1 - Bhiblia Yo Sawuleka

1 Se ku di hokile mtxima wa wutxhanu ni yimbidi, vanana va ka Israyeli va di madhoropani kwawe, vathu votshe va to sengeletana ngu mbilu yimweyo, ka mtendela wu ku masoni ka Txike txa Mati; se ve gela mabhalani Ezra, ti to e neha dibhuku da Mlayo wa Mosi, a di Mkoma a nga ti ti leletete Israyeli.

Gade chapit la Kopi




Nehemiya 8:1
25 Referans Kwoze  

Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.


ngu kumaha keto, Vanetine, va nga ti ti zumba Ofeli, va to aka kala ka Txike txa Mati, ngu didhawa da wutxani, an'ze ka txitezi txa txitimwi.


Se Hilikiya a to gela mabhalani Safani a txi khene: Ni mani dibhuku da Mlayo Nyumbani ka Mkoma. Hilikiya a to ningela dibhuku ka Safani.


Dipapilo dile mfumeli Aritasasta a nga ninga mphaxeli Ezra, m'bhali wa mapswi, wa sirumo sa Mkoma, ni sileleto sakwe txitimwi ka Israyeli:


“Ngu konaho, na mi rumela vaprofeti, titxhari ni vabhali. Mi na daya vamwani kwawe mi va bethela ha txihambanoni, mi na kwapela vamwani masinagogani kwanu, mi na va xanisa va txi pepeseka ngu ka didhoropa ni didhoropa.


“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.


a txi khene: “Ha txikhaloni ka Mosi va khalahatshile vabhali ni vafarisi.


Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”


Alakanyani Mlayo wa Mosi, txithumi txangu, awu ni nga wu rumela kwakwe kona Horebhi ka votshe va ka Israyeli, awu i ku sileleto ni wulamuli.


Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.


Va di hokile ka Txike txa Txisima ngu masoni kwawe, va to kwela ha dinerani ka Didhoropa da Dhavhidha ngu ha ko kwela ngu kona diguma, kukhukhela txitimwi ka nyumba ya Dhavhidha an'ze ka Txike txa Mati, ngu didhawa da wutxani.


Sekoko vathu va to tsula, veya lava matshanzu ve ta ti mahela midhuti yawe, mmwani ni mmwani txitimwi ka nyumba yakwe, ni digumani kwakwe, ni mitendelani ka Nyumba ya Txizimu, ni ka mtendela wa Txike txa Mati, ni ka mtendela wa Txike txa ka Efrayime.


Sekoko votshe vathu va to ema ngu dipswi dimwedo, va txi kha vona: Ni wammweyo kwathu kha na mbi tshumelela ditendani kwakwe, hambi ni wammweyo kwathu kha na mbi tshumelela nyumbani kwakwe.


Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.


Se mfumeli a to kwelela Nyumbani ka Mkoma ni votshe va vamna va Judha ni vahanyi va Jerusalema, ni vaphaxeli, ni va ka Levhi ni vathu votshe, vahombe ni vavadotho, a to gonda tinzeveni ka vathu votshe otshe mapswi a dibhuku da txitumelelano adi di nga manwa Nyumbani ka Mkoma.


Nguko Ezra a ti ti vekisete mbiluni kwakwe, kulava Mlayo wa Mkoma, kasi ku wu londeta, ni kugondisa kona Israyeli, sileleto sa kona, ni madingano a kona.


Se a to di gonda a di masoni ka mtendela, wu wu ku masoni ka Txike txa Mati, kukhukhela ni mixo kala mitshikari, masoni ka vavamna, ni vavasikati ni titxhari; se tinzeve ta votshe vathu ti ti kuengisani ka dibhuku da Mlayo.


Sekoko vona va to teka sotshe si Mosi a nga si leletela, ve si tisa ha txikeni ka ditenda da msengeletano wotshe wa ka Israyeli, wu nga tshuketa hafuhi ka Mkoma, wu txi ema kona.


ngako va ka Israyeli votshe va di tile ve ta ti kombekisa ka Mkoma, Txizimu txako, ka wukhalo wule ene a nga wu sawula, awe u na gonda mlayo wuwa, masoni ka votshe va ka Israyeli.


Se mfumeli a to kwela Nyumbani ka Mkoma, kumweko ni votshe vazumbi va Jerusalema, ni vaphaxeli, ni vaprofeti, ni votshe vathu kukhukhela ka vavadotho kala ka vahombe; se a to gonda tinzeveni kwawe otshe mapswi a dibhuku da txitumelelano, di nga manwa Nyumbani ka Mkoma.


Se ti di pindile totsheto, ka mbimo ya kufuma ka Aritasasta, mfumeli wa Persiya, Ezra mwana Seraya, mwana Azariya, mwana Hilikiya,


Avava mba masiku a Joyakimi, mwana Jesuwa, wa mwana Jozadhake, ni masiku a Nehemiya, mfumeli, ni ka masiku a mphaxeli Ezra, mabhalani.


Swiv nou:

Piblisite


Piblisite