Nehemiya 7:70 - Bhiblia Yo Sawuleka

⁷⁰ Se mtengo wa vathangeli va vatate vawe, va to ningela so aka ngu sona; mtirsa a to ningela txisangalani, nzalama ya 1.000 wa madhariko, mtxhanu wa magumi a mikamba, ni 530 wa syambalo sa wuphaxeli.

Nehemiya 7:70 Referans Kwoze

Nehemiya 8:9

Se Nehemiya, wu i nga ti mfumeli ni mphaxeli Ezra, mabhalani, ni Valevhi vale va nga ti gondisa vathu va to kha vona ka votshe vathu: Ditshiku diya di sawulekile ka Mkoma Txizimu txanu, ngu toneto mi nga titsetseni, hambi ku ti dilela. Nguko votshe vathu va to dila va txi pfa mapswi a Mlayo.

Jeremiya 52:19

Se mthangeli wa vawoneleli a to teka magombe ni so hisela ka sona dibaselo, ni mikamba, ni siya so sengeleta ka sona dikhuma, ni titshava ta malambu, ni so nungelisa, ni tifuko, asile sa nzalama yo surutetwa ni sa silivhela yo hehuka.

Nehemiya 10:1

Se ava va nga sayina ngu vava: Nehemiya, mwana Hakaliya, ni Zedhekiya,

Nehemiya 7:65

Se mtirsa a to va gela ti to va nga dye so sawuleka, kala kuza kumaneka mphaxeli, a di ni Urime ni Tumime.

2 Makronika 4:11

Hiramu a mahile tikhadi, ni mafoxola, ni mikamba; se Hiramu a heta kumahetela yotshe mithumo yile a nga yi mahela mfumeli Solomoni, Nyumbani ka Txizimu i ku yiya:

2 Makronika 4:8

A to maha kambe digumi da timeza, e ti veka dithepelani, mtxhanu ka didhawa da txinene, mtxhanu ka didhawa da txibhabha; ni dizana da mikamba ya nzalama.

1 Makronika 28:17

ni nzalama yo hehuka yo maha ngu yona tifokolo, ni mikamba, ni timbiya, ni magombe a nzalama, digombe ni digombe ni mpimo wa dona, ni ka magombe a silivhela, digombe ni digombe ni mpimo wa dona;

1 Vafumeli 7:45

se ko sengeleta mati ni mafoxola, ni mikamba, ni sotshe siya sile Hiramu a nga mahela mfumeli Solomoni, Nyumbani ka Mkoma, sotshe i di sa koporo yo tshuriselwa.

Eksodha 24:6

Mosi a to teka mnoha wa hafu a txi wu veka amu ka mbiya, a to xwayela ngu yimwani hafu ya mnoha txitimwi ka txiluvelo.

Eksodha 12:22

Sekoko tekani didhavi da hisopo, mi txi di nakanisa ngu mnoha wu wu ku mu ka dibhaziya, mi txi tota mtshunzuti wa txitimwi ni misasimo ya kona ngu mnoha wule wu ku mu ka dibhaziya; ni wammweyo wanu a nga hume ngu nyumbani kala ni mixo.

Nehemiya 7:69

Makamelu, i ti 435; timbongola 6.720.

Nehemiya 7:71

Se vokari kambe ka vathangeli va vatate vawe, va ningete txisangalangi ka mthumo wa kuaka, ngu nzalama, 20.000 wa madhariko; se ngu silivhela 2.200 wa makilu.