Nehemiya 6:8 - Bhiblia Yo Sawuleka

⁸ Sekoko ni to rumela mtumi kuya m'gela tiya: Kha ka humelela txilo ka totshe ti u ti wombako, aniko awe, wo ti pimisa mbiluni kwako.

Nehemiya 6:8 Referans Kwoze

Masalmo 52:2

U pimisa kumaha to biha dwe ka vamwani; lidimi lako li fana ni txigatxani txo hinda, li sika makuhu.

Jobe 13:4

Kambe anu koko, mi vasiki va makuhu, anu motshenu kha mi nga tiñanga ta txilo.

Mithumo 25:10

Aniko Paulo a ti khene: “Ani ni emile masoni ka dibanza da kulamula da Khezari, ahawa ni fanelako kulamulelwa kona. Txi walo txionho ni nga txi maha ka Vajudha, ngako nawe u ti zivako kha kwati.

Mithumo 25:7

Ngako a di bwakile, Vajudha va kuta ngu Jerusalema, va to mrandela, se ve mu lumbeta minandu yayingi yo thisa ayi va nga ti si sikoti kukomba ditshuri da yona.

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

Dhaniyeli 11:27

Kambe vafumelivo vavambidi va na va ni mbilu yo maha kubiha, ni kuwomba makuhu; ene koko kha na mbi kula, nguko magwito ma na zivaneka ngu mbimo ya kona.

Isaya 59:4

Ku walo ni wammweyo a pfalisako kululama, hambi ni wammweyo wo maneka kulamulani ka ditshuri; va themba manyala, ni kutsimbila ve womba-womba makuhu; va khura sirumbu sa mithumo, aniko ve veleka wubihi.

Masalmo 38:12

Avale va lavako ku ni daya va ni riyete; avale va ni navelelako kubiha va ni ruketela; sotshe sikhati va maha sikungo so kanganyisa.

Masalmo 36:3

Kuwombawomba kwakwe nga kubiha ni makuhu; a lekile ni kuengisa ni kumaha ti i ku ta tinene.

Nehemiya 6:7

ni ku u vekile vaprofeti kasiku ve womba-womba ngu ngawe kona Jerusalema va txi kha vona: Awuwa ngene mfumeli wa Judha. Sekoko mhaka yiya yi na pfiwa ngu mfumeli, madingano ni mapswi awa; ngono koko, konkuwa, hi ta bhula kumweko.