Nehemiya 6:6 - Bhiblia Yo Sawuleka

⁶ Se ka dona ku ti bhatwe tiya: Ku pfate hagari ka vathu ni ka Geseni kuwombwa tito, awe ni Vajudha mi lava kumaha txigirimuka, nguko mi akako diguma; niku awe u ti maha mfumeli wawe, madingano ni kuwomba ka mapswiyo;

Nehemiya 6:6 Referans Kwoze

Nehemiya 2:19

Se mbimo yile a nga tiengisa Sambalati, Muhoroni, ni Tobhiya, txithumi txa Muamoni, ni Gesemi, Muharabhi, va to hiseka, ve hi txhipisa, va txi kha vona: Nda txani tona ti mi mahako kani? Mo lava kuwukela mfumeli kani?

1 Pedro 3:16

Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

Varoma 3:8

Se ngu kutxani hi si mahi to biha kasiku ti txi humelela totshura, nga tiya vamwani va hi lumbetako va txi kha vona ngathu hi ti wombako kani? Kambe evo vo ngeto, kuabaniswa kwawe ka va fanela.

Ezra 4:12

Ti zive awe mfumeli taku Vajudha vale va nga khukha ngu kheyo kwako veta kwathu Jerusalema, se va aka ngu kanu didhoropa, ni kuwusa maguma a kona, ni kululamisa sitsaniso sa kona.

2 Vakorinto 6:8

amu kudhundwani ni mu kunyenywani, ka nduma ya yinene ni ka nduma yo biha, hi wonwa hi di vakanganyisi, kasi hi va ditshuri.

Johani 19:13

Pilato, a di engisile mapswi awa, a to humisa Jesu hahanze, se e khalahatsha ha txikhaloni ka kuthethisela kona, ahawa va nga ti kudhana ku Marigwini, se ngu Txihebheru va txi i Gabbatha.

Luka 23:2

va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Matewu 5:11

Mi katekile, ngako va txi mi ruketela ni ku mi xanisa, ni ku mi hembela, ve mi lumbeta makuhu ngu mhaka yangu.

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Ezra 4:15

Ati to ku na xolwe ka dibhuku da matimu a vatate vako, emo ka dibhuku da matimu, u na tiziva konemo ti to didhoropa dile ndo akwa ngu kanu, do wukela vafumeli ni matiko a hombe a mndani ka ditiko, niku kuve ni kuwukelwa ka dona ka timbimo ta kale.

Nehemiya 6:5

Sekoko ngu mamahelo oneyo, ngu mbimo ya wutxhanu, Sambalati a to ni rumela mfana wakwe, ni dipapilo di ti tutwe, manzani kwakwe.

Nehemiya 6:7

ni ku u vekile vaprofeti kasiku ve womba-womba ngu ngawe kona Jerusalema va txi kha vona: Awuwa ngene mfumeli wa Judha. Sekoko mhaka yiya yi na pfiwa ngu mfumeli, madingano ni mapswi awa; ngono koko, konkuwa, hi ta bhula kumweko.

Nehemiya 6:13

Ngu toneto, va to mxava, kasi ku e ni dhukisela, ni maha toneto, ni ku ni onha, ve mana mhaka yo ni tokometa ngu yona, ni ku ni xanisa.