Nehemiya 6:2 - Bhiblia Yo Sawuleka

² Sambalati ni Geseni va to rumela m'biko, va txi kha vona: Ngono hi ta tshangana sidhoropanani ka mkova wa Ono. Aniko vona va ti ti lava kuya ni maha ta walo.

Nehemiya 6:2 Referans Kwoze

Masalmo 37:12

M'thu wo biha a maha sikungo sa kuwukela awu i ku wam'nene a gegeresela makwasa akwe ngu kuhenyela ene.

1 Makronika 8:12

Se vanana va Elipahali ngu vava: Hebheri, ni Misani, ni Semedhe; awuwa a to aka Ono, ni Lodhe, ni makhalo ale a nga ti ma fumela.

Nehemiya 11:35

da Lodhe ni da Ono, mkovani ka va vati.

Ezekhiyele 33:31

Se vona vata kwako, nga tile vathu va tisako tona kwako, ve ta khalahatsha masoni kwako kufana ni vathu vangu, kambe ve engisa dipswi dako, aniko kha va mahi txilo; va tumeletela ngu sisofu sawe, kambe timbilu tawe ti londetela ta minavelo yawe.

Jeremiya 41:2

Se a to khukha Ismayeli mwana Netaniya, kumweko ni vavamna vale va digumi va nga ti ti nayo, va to ya dayisa Gedhaliya, mwana Ahikamu, mwana Xafani, ngu ditxhari; va txi m'dayiseto, awule a nga ti vekilwe txitimwi ka ditiko ngu mfumeli wa Bhabhilona.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Masalmo 37:32

M'thu wo biha a mbzwingamela m'thu wo lulama a lava makungo a ku m'daya;

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

2 Samuwele 20:9

Se Jowabhi a to khene ka Amasa: Ina wa wuka kwati mwanathu kani? Se Jowabhi a to ñola txiletu txa Amasa ngu dianza da txinene kasiku e mpswopswa.

2 Samuwele 3:27

A di hokile koko, Abhineri kona Hebroni, Jowabhi a to m'dhana ngu txihunja ha txikeni, nga o lava kuya mlengela to kari, se eya m'daya koneho ngu ha ka limbavhu la wutxhanu, a txi fa ngu mhaka ya mnoha wa Asayeli, mwanawe.

Nehemiya 6:3

Se ni to rumela mitumi ni txi khani: Kha ni na mbi ta, nguko ni ni mthumo wa hombe ni wu mahako. Ni nga emisela txani mthumo wuwa, ngu kuwuleka ni txi ta kwanu kani?

Nehemiya 3:22

Se msana kwakwe, ku to aka vaphaxeli vale va nga ti zumba mkovani.