Nehemiya 6:16 - Bhiblia Yo Sawuleka

¹⁶ Se ku to maheka tito, va di ti pfite valala vathu votshe, ni votshe vamatiko, vale va nga ti hi ranganyetile, va to dhuka, ve godhola ngutu masoni kwawe; nguko va ti zivile ti to Txizimu txathu ngu txona txi nga maha mthumo wuwa.

Nehemiya 6:16 Referans Kwoze

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Masalmo 126:2

Txisofu txathu txi to tala ngu maseko! Tidimi tathu ti thula tindando ta kutsaka; vamatiko va ti ti xamala va txi kha vona: “Mkoma a va mahete sidiwukiso sa hombe!”

Nehemiya 4:7

Se mbimo yile Sambalati, ni Tobhiya, ni Vaarabhi, ni va ka Amoni, ni va ka Asidhodhe va nga tiengisa taku mthumo wo longisa maguma a Jerusalema wu ya masoni, va to henya ngutu.

Nehemiya 4:1

Se ku to maheka tito, Sambalati a di ti pfite to ha aka diguma, a to tura ngu txiviti, e henya ngutu, aniko a to tseketsela Vajudha.

Nehemiya 2:10

Se mbimo yile Sambalati, Muhoroni, ni Tobhiya txithumi, Muamoni, va nga pfa ti to ku ni m'thu wokari, a telako ku ta vhuna vanana va ka Israyeli, va to karateka ngutu.

Mithumo 5:38

Konkuwa na mi gela: Mi nga karatekeni ngu vathu vava: Va lekeni, nguko makungo awa ni mthumo wuwa, ngako si txi ta ngu ka vathu, si na guma;

Mitengo 23:23

Nguko kha wu ngaho wurindi wo wukela Jakobe. Hambi wuñanga wo dingana kuwukela Israyeli. Yata mbimo yi ku no wombwa ngu Jakobe ni Israyeli ngu txikhati txa kona. Njitxani txi nga mbi mahwa ngu Txizimu!

Eksodha 14:25

Ene a to hujumelisa mawili a sikotxikani sawe, a txi maha ti to si tsimbila ngu kukarateka. Sekoko Vaegipta va to kha vona: “A hi tutumeni masoni ka Mkoma, nguko ene a lwa ngu ku va emela a txi wukela athu Vaegipta.”

Nehemiya 6:17

Kambe, ka oneyo masiku, sikhumukani sokari sa ka Judha, si to bhala mapapilo amangi, o ya ka Tobhiya: Se mapapilo a Tobhiya ni ona, ma ti tiya kwawe.

Jeremiya 33:9

Se adiya didhoropa di na va da ditina da litsako ni kudhumisa ni wudhumo, hagari ka otshe matiko a ha mafuni, ma no pfa wotshe wunene wu ni mmahelako; kambe va na xamala, ni kudhudhumela, ngu mhaka ya wotshe wunene, ni mhaka ya kotshe kuthutha, aku ni di ningako.

Joxuwa 2:9

Se a txi ya khene ka vavamna vale: “Na tiziva ti to Mkoma a mi ningile ditiko diya, ni ti to kuthisa kwanu ku txitimwi kwathu, niku votshe vaaki va ditiko va gumile mtamo masoni kwanu.

Joxuwa 2:11

Ngako hi di ti pfite eto, timbilu tathu ti to tsivala, se kha ku nga ni wammweyo wo tsana, ngu mhaka ya kumaneka kwanu; nguko Mkoma, Txizimu txanu, Njizimu txitimwi nzumani ni hahatshi mafuni.

Masalmo 109:27

Kasiku ve tiziva ti to ngawe u ni hanyisako, ngawe upune u mahako txixamaliso txonetxo.

Masalmo 129:5

Va na tale ngu tingana ve hingwa votshe valala va Siyoni!

Masalmo 147:2

Mkoma wa wuseta Jerusalema e tshanganisa ngamu ya Israyeli, yi nga ti hangalakile.