Nehemiya 6:14 - Bhiblia Yo Sawuleka

¹⁴ Awe Txizimu txangu, alakanya Tobhiya ni Sambalati, madingano ni mithumo yiya, ni mprofeti wa txisikati Nowadhiya, ni vamwani vaprofeti, va nga ti lava ku ni dhukisela.

Nehemiya 6:14 Referans Kwoze

Nehemiya 13:29

Vaalakanye, awe Txizimu txangu, nguko va nyenyezisile wuphaxeli, ni txitumelelano txa wuphaxeli, ni txa Valevhi.

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

1 Johani 5:16

Ngako m'thu a txi wona mwanawe a txi maha txionho, atxi txi si yisiko kufani, a na mkombelele; se Txizimu txi na mninga wutomi, ngako kha ditshuri txionho txiya i si nga txa kuyisa kufani. Txiho txionho txi txi yisako kufani, kambe hi nga txona txi ni ku khani a na mkombelela ngu txona.

2 Timoti 3:8

Kufana ni kuwa Janesi ni Jambresi va nga eyisa Mosi, ngu toneto ni vona vava va kanetako ditshuri. I vathu va va nga onheka mapimo, va likholo lo mbi tsana.

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Matewu 24:11

Va na humelela vaprofeti vavangi va makuhu, ava va no timeta vathu votala.

Matewu 7:15

“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako.

Jeremiya 28:15

Mprofeti Jeremiya a to engeta e womba ka mprofeti Hananiya, a txi khene: Engisa-ka, Hananiya; Mkoma kha kuruma; aniko u maha ti taku vathu vava ve lumba makuhu.

Jeremiya 28:10

Sekoko, Hananiya, mprofeti, a to teka ha thamoni ka Jeremiya, a txi di funya.

Jeremiya 28:1

Se ku to maheka ka dona dilembedo, kukhatani ka kufuma ka Zedhekiya, mfumeli wa ka Judha, ngu dilembe da wumune, ngu mtxima wa wutxhanu, Hananiya mwana Azuri, mprofeti wa m'ti wa Gibheyoni, a to ni gela masoni ka vaphaxeli ni ka vathu votshe, amu Nyumbani ka Mkoma a txi khene:

Jeremiya 14:18

Nguko ni txi ya wona thembweni vaho va va nga dayiswa ngu ditxhari. Ni ku ngako ni txi wulela m'tini ni wona va va fako ngu nzala: Ina ngu wumbidi wawe mprofeti ni mphaxeli va zungulukela na va si kuzivi aha vayako kona.

Jeremiya 14:15

Ngu konaho, Mkoma a womba eto madingano ni vaprofeti vale va profetako ngu ditina dangu, na ni sa va ruma, ava va ku kha vona: Ditxhari ni nzala kha si na mbi va ho ditikoni muwa, a txi khene: Vaprofeti va na loviswa ngu ditxhari ni nzala.

Masalmo 63:1

Txizimu, awe u Txizimu txangu! Na kulava ni si karali! Moya wangu wu na ni ditora ngu ngawe; wotshe mmidi wangu wa kunavela, ku nga mafu a ligwangwa, o oma ma ku si nga ni mati.

Masalmo 22:1

“Txizimu txangu, Txizimu txangu, u ni lekete txani kani?” Ngu kutxani u swelako kuxamula mapswi a kudila kwangu kani?

Nehemiya 5:19

Awe Txizimu txangu, ni alakanye ka totshe ti ni mahelako vathu vava.

Eksodha 15:20

Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.

Masalmo 137:7

Alakanya, Mkoma, ati va nga maha vathu va Edhomi, ditshiku diya Jerusalema a nga welwa ngu dikhombo: Vona va huwelete va txi kha vona: “Khundumuselani, Khundumuselani didhoropa diya, kala makhatoni ka dona!”