Nehemiya 6:10 - Bhiblia Yo Sawuleka

¹⁰ Se mbimo yile ni nga wulela m'tini ka Semaya, mwana Dhelaya, mwana Meyetabheli (a nga ti khotetwe), a to khene: A hi tsimbile hotshe Nyumbani ka Txizimu, hagari ka dithepele, hi ya vhala matimba a dithepele; nguko va lava ku ta ku daya: Ngu ditshuri, va nata ni wusiku ve ta kudaya.

Nehemiya 6:10 Referans Kwoze

Jeremiya 36:5

Se Jeremiya a to leletela Bharuke, a txi khene: Ani ni khotetwe, kha ni sikoti kuwulela Nyumbani ka Mkoma.

Mithumo 21:30

Dotshe didhoropa di to tala ngu kuhenya, vathu va txi sengeletana, na va txi huma ngu otshe makhalo. Va to ñola Paulo va txi mu ruruvisela hahanze ka Dithepele, va txi kuluveta kuseka matimba.

Johani 3:20

Nguko wuhi ni wuhi a mahako kubiha a nyenyana ni kuwonekela, kambe kha ti kuwonekelani, kufela ku mithumo yakwe yi si landulwi.

Matewu 7:15

“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako.

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

Ezekhiyele 3:24

Sekoko Moya wu to wulela kwangu, wu txi ni emisa, se a to womba-womba ni nani a txi khene: Wulela nyumbani kwako, u txi ti vhalela.

Mavingu 11:9

Mkanganyisi a haxula mwakelani wakwe ngu txisofu, aniko vo lulama va txhatxhiswa ngu wuzivi wawe.

Masalmo 37:12

M'thu wo biha a maha sikungo sa kuwukela awu i ku wam'nene a gegeresela makwasa akwe ngu kuhenyela ene.

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

Nehemiya 6:12

Se ni to pimisa ni wona ti taku, kha rumwa ngu Txizimu; aniko a to womba wuprofeti wo ni wukela, nguko a ti xavilwe ngu Tobhiya ni Sambalati.

Ezra 10:31

Se ka vanana va Harimu: Eliyezeri, Isiya, Malakiya, Semaya, Mimiyoni,

Ezra 8:16

Sekoko ni to rumela Eliyezeri, Ariyeli, Semaya, Elinatani, Jaribhe, Elinatani, Nathani, Zakariya ni Mesulamu, vathangeli, kufana ni Joyaribhe ni Elinatani, i nga ti titxhari.

2 Makronika 29:7

Va to vhala matimba a m'hubhe, ve tima ni malambu, ve leka kuhisa dibaselo, kha va ningela mningelo wo hiswa ha wukhaloni ko sawuleka ka Txizimu txa Israyeli.

2 Makronika 29:3

Ka mtxima wo khata ka dilembe do khata da kufuma kwakwe, Ezekhiya a to tula matimba a Nyumba ya Mkoma, e ma longisa.

2 Makronika 28:24

Kambe Akazi a to sengeleta siya sa Nyumbani ka Txizimu e si fayetela, e vhala matimba a Nyumbani ka Mkoma. Se a to ti akela siluvelo ka madhawa otshe a Jerusalema.

2 Vafumeli 11:3

Se Jehosebha a to msisa Nyumbani ka Mkoma, mtxhanu wa malembe ni dimwedo; na Ataliya a txi fuma ditikoni.

2 Vafumeli 9:8

Se yotshe nyumba ya Akabe yi na loviswa; ni na dayela votshe vafana vakwe, vahombe ni vavadotho va ku Jerusalema.

1 Vafumeli 6:5

Ngu hahanze ka diseta a to aketela sinyumbana, ka madhawa a maseta a Dithepele ni ka wukhalo wa siprofeto, se a to aketela sinyumbana.

Genesisi 36:39

Bhahali-Hanani, mwana Akobhori, a to fa, se wukhalo wakwe wu to tekwa ngu Hadhadhe a txi fuma; didhoropa da kona di ti dhanwa ku i Fawu; msikati wakwe a ti dhanwa ku i Mehetabheli, mwana Mazahabhe.