Nehemiya 5:9 - Bhiblia Yo Sawuleka

⁹ Ni engeta ni txi khani: Hi nga ta tinene ti mi ti mahako! Ina kha mi faneli kuthava Txizimu txathu, ngu mhaka ya tingana ta vamatiko, i ku valala vathu, kani?

Nehemiya 5:9 Referans Kwoze

Levhi 25:36

U nga lave dibhindu, kambe u nga m'dyelele, aniko thava Txizimu txako, u na zumba nayo mwananu.

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

2 Samuwele 12:14

Hambi keto, ngako ngu mithumo yako u nga ninga wukhalo valala ve ruketela Mkoma, nene mwanana wule a nga velekwa kha ditshuri a na fa.

Titosi 2:5

ve va ni wuzivi ni kuthembeka ni kutiveka hahatshi ka vamna vawe, ve va i di vaxayisi vavanene va timwaya tawe, i di vo randeka, kasiku dipswi da Txizimu di si poyilwi ngu m'thu.

1 Timoti 5:14

Ngu toneto, ni navela ti to tinoni ti ku ngadi tiphya ti tekwa, ti veleka vanana, ti wonda mwaya, ti si tuleli mlala nzila yo womba kubiha ngu wukhongeli.

Varoma 2:24

Ngu konaho, ti bhatwe ti to “Ditina da Txizimu da ruketelwa hagari ka vamatiko ngu mhaka yanu.”

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Ezekhiyele 36:20

Kambe, va di hokile ka matiko ale va nga ya ka ona, va to nyenyezisa ditina dangu do sawuleka, nguko ku ti ti wombwa taku: Avava mbathu va Mkoma, se va humile ditikoni kwakwe.

Mavingu 24:23

Aawa ni ona, ngu ona mavingu titxhari. Hi nga ta tinene kulamula ngu kuwona khohe.

Mavingu 19:2

Ni kona kuzumba moya wu si nga ni wuzivi hi nga ta tinene; ni wule a tutumako ngu mikondo yakwe wa onha.

Mavingu 18:5

Hi nga tinene kuemela m'bihi, ku txi wiswa wo lulama kulamulwani.

Mavingu 17:26

Hi nga ta tinene kutsayisa m'thu wo lulama; ngu lwa ni otshe madingano, kupeka m'thu wo lulama.

Mavingu 16:29

M'thu wo karata wa kujetela mkwawe, ni ku mtsimbitisa ngu nzila yo biha.

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

Nehemiya 4:4

Engisa, awe Txizimu txathu, nguko athu va hi eyisa, wisa tingana tawe ha msungo kwawe, u va ningela ti to ve handwa, ditikoni ka wukhumbi.

1 Samuwele 2:24

Ahim-him, vana vangu! Nguko hi nga nduma ya yinene yi ni yi pfako; ma pengisa vathu va Mkoma.

Genesisi 42:18

Kambe ka ditshiku da wuraru, Josefa a va gete ku khene: “Mahani tiya, mi na hanya, nguko ani ni thava Mkoma Txizimu.

Genesisi 20:11

Abrahamu a xamute a txi khene: “Ani ni to pimisa nokha, ni txi khani: Ka wukhalo wuwa ku nava ku si nga ho ni wammweyo a thavako Txizimu, se va na ni daya ngu mhaka ya msikati wangu.

Nehemiya 5:10

Hambi ani, ni vanathu ni vafana vangu, hi va lombile male ni fulaho. A hi lekeni dibhindu diya.

Masalmo 90:11

I mani a sikotako kuziva mtamo wa kuhenya kwako kani? I mani asi thaviko wurena wa kuhenya kwako kani?