Nehemiya 5:8 - Bhiblia Yo Sawuleka

⁸ Se ni txi khani: Athu hi hulukisile Vajudha, madingano ni mtamo wathu, i ku vanathu, avale va nga xaviswa ka vamatiko, se anu kambe mi lava kuxavisa vananu, kasi kuveta xaviswa kwathu kani? Sekoko va to malala, va txi kayee.

Nehemiya 5:8 Referans Kwoze

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

1 Vakorinto 8:11

Se ngu mhaka ya kuziva kwako, a na luzeka mwananu i ku wo mbi tsana, ene wu Kristu a nga m'fela.

Varoma 14:15

Kambe ngako mkwanu a txi karateka ngu mhaka ya si u dyako, awe se khu tsimbili ngu lirando. U nga m'daye ngu sakudya sako awu Kristu a nga m'fela.

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Matewu 25:29

nguko wuhi ni wuhi a ku naso, a na ningwa ngu kuengetelwa; aniko awule a si nga naso, a na tekelwa ni txile a ku natxo.

Matewu 25:15

Ka wammweyo a mningile mtxhanu wa titalenta, ka mmwani a mningile titalenta timbidi, ka mmwanyani kambe e mninga yimweyo, madingano ni mtamo wa mmwani ni mmwani.

Matewu 22:12

A txi khene kwakwe: ‘Mndoni, u wulelisite kutxani ahawa, u sa ambala nguwo ya mtxhadho kani?’ Ene a so walo kaye.

Jobe 32:15

Mo xamala, kha mi xamuli txilo kambe, ma ma pwata mapswi.

Jobe 29:10

vathangeli va to malala ve pwata ni txo womba, ni tidimi tawe ti namarela mikanani kwawe;

Dhewuteronome 24:7

Ngako m'thu a txi kuretwa a di ruruvisile Muisrayeli kulowe, kasi ku mmaha khumbi yakwe, mwendo kuve a txi mxavisa, edo dikhamba di fanete kudawa. Ngu toneto, u na fuvisa wubihi hagari kwanu.

Eksodha 21:16

Awule a pako m'thu a txi mxavisa, mwendo e ta manwa nayo manzani kwakwe, a na dawa.

Vagalatiya 6:10

Ngu konaho, he maheni wunene ka votshe vathu, na hi di ngadi ni mbimo, ngutu-ngutu ka makholwa kulothu.

Nehemiya 5:9

Ni engeta ni txi khani: Hi nga ta tinene ti mi ti mahako! Ina kha mi faneli kuthava Txizimu txathu, ngu mhaka ya tingana ta vamatiko, i ku valala vathu, kani?