Nehemiya 5:7 - Bhiblia Yo Sawuleka

⁷ Se ni to alakanya mbiluni kwangu; ngu msana, ni to lwa ni sikhumukani ni valamuli, ni va gela tiya: Mmwani ni mmwani a nga bhindule ngu ka mwanawe. Aniko ni to va rambela msengeletano wa hombe.

Nehemiya 5:7 Referans Kwoze

Levhi 25:36

U nga lave dibhindu, kambe u nga m'dyelele, aniko thava Txizimu txako, u na zumba nayo mwananu.

Eksodha 22:25

Ngako u txi lombisa male ka txisiwana txokari, txa hagari ka vathu vangu, avale va ku ni nawe, u nga mkurumete ti to e diha ni ya dibhindu; u nga mkurumete ya dibhindu.

Ezekhiyele 22:12

Ku amuketwe siningo kasi kutheketa mnoha; so honyola ni so bhindulwa u tekile, u maha likungo ka mwakelani, u txi mkhozisa; kambe ani u ni divate, kuwomba Mkoma Txizimu.

Masalmo 15:5

awule a txenekisako male yakwe asi lavi dibhindu, hambi awule asi tumeliko kuxavelelwa kasi kuninga mnandu m'thu wo mbi na txionho. Awule a mahako tona eto kha na mbi va ni kurereka.

Levhi 19:15

Mi nga hambaniseni mhaka kulamulani kwanu; u nga wone khohe ya wule i ku txisiwana, kambe u nga khatalele nyatithombe; u fanete kulamula mkwanu ngu kululama!

Titosi 2:15

Va gele totshe tiya. Va laye u txi va kawuka ngu wotshe mtamo. Ku nga ve ni wo thuka a txi kukanyisa.

1 Timoti 5:20

Kawuka avale va onhako masoni ka votshe kasiku ve telwa ngu kuthava.

Vagalatiya 2:11

Aniko, mbimo yi Khefasi a nga ta Antiyokiya, ni tsani ni txi m'konama khohe ni khohe, nguko a ti ti fanela kukawukwa.

2 Vakorinto 5:16

Ngu toneto, kukhukhela konkuwa, awalo wu hi m'zivako ngu kuwona nyama yakwe. Hambi Kristu hi di m'zivisile toneto, kambe konkuwa hi nga tona ti hi m'zivisako tona.

Matewu 18:17

Se ngako a txi lamba kambe ku va engisa, tsula u txi ya bika mhaka banzani. Sekoko, ngako a txi lamba ku di engisa ni dona dibanza, kwako a nave i di wa matiko mwendo mkhupisi.”

Ezekhiyele 45:9

Mkoma Txizimu a khene: Ti dinganile, anu vathangeli va ka Israyeli; yisani kule timboyinga ni kulovisa, lamulani ngu wululamo, kambe thavisani mikhinyavezo yanu ka vathu vangu, kuwomba Mkoma Txizimu.

Mavingu 27:5

I txhuko kukawukwa ha kubasani, kupinda lirando lo zumba kusisalani.

Masalmo 27:8

“Mbilu yangu ya ni gela, yi txi kha yona: Tsula u txi ya wonana ni Mkoma;” Ina, ani ni lava ku kuwona, Mkoma!

Masalmo 15:1

Mkoma, i mani a no zumba Dithepeleni kwako ko sawuleka kani? I mani a no zumba ka mmango wako wo sawuleka kani?

Masalmo 4:4

Dhudhumelani kambe mi nga goheni. Wombawombani ngu mbilu mi di malate mi txi otela matahoni kwanu.

Masalmo 109:11

Vatxenekisi vakwe va na mtekele sotshe si a ku naso, kasi kudiha minandu; vanyamthuvo va na hande asi a nga thuma ngu manza akwe.

Eksodha 22:24

se kuhenya kwangu ku na tura, kambe ni na maha a ti to mi txi fuviswa ngu ditshuri; vasikati vanu va na va tinoni, ni vanana vanu va txi maha sikulungu.

Masalmo 94:16

I mani a no ema ni nani hilwa ni siphukuphuku kani? I mani a no ema ni nani hilwa ni vale va mahetelako kubiha kani?

Mavingu 28:4

Avale va lekako mlayo va dhunda muonhi; aniko ava va xayisako milayo va lwisana navo.