Nehemiya 5:2 - Bhiblia Yo Sawuleka

² Nguko ku ti ni va va nga ti ti kha vona: Athu ni vanana vathu va majaha, ni vanana vathu vamahorana hi vangi; ngu toneto hi ningeni fulaho, kasi ku hi txi dya hi hanya.

Nehemiya 5:2 Referans Kwoze

Malakiya 2:2

Ngako mi si txi engisi, mi si ti emiseli timbiluni kwanu, kuninga txithavo ka ditina dangu, kuwomba Mkoma wa Mabutho a Tiyimbi, ni na rumela makhombo txitimwi kwanu, kambe ni na ruketela tithomba tanu, se ni ti ruketete nguko anu kha mi ti veki eto timbiluni kwanu.

Genesisi 43:8

Sekoko Judha a to khene ka tate wakwe Israyeli: “Veka mfana wuwa mtamoni kwangu, hi na khukha hi txi tsula hi ya xava sa ku ta hanya nzala ngu sona, kasiku hi si fi athu ni nawe ni vanana vathu.”

Genesisi 42:2

Se e engeta a txi khene: “Ani ni ti engisile ati to ditikoni ka Egipta, yi ho fulaho yi xaviswako. Relelani mi ya hi xavela, kasiku hi nata dya hi txi hanya, hi si fi ngu nzala.”

Genesisi 41:57

Se otshe matiko ma txi ta Egipta, kasi ku ta xava sakudya ka Josefa, mbimo yile nzala yi nga ti ti simama ka otshe matiko.

Dhewuteronome 23:19

U nga lombise somaha ka mwananu ngu kulava dibihindu; hambi dibhindu da male, ni dibhindu da sakudya, hambi dibhindu da ni txihi txo maha, txi lombiswako ngu kubhinduliswa.

2 Vafumeli 4:1

Se mmweyo hagari ka vasikati va vanana va vaprofeti, a to peka huwa ka Elixa a txi khene: Mwamna wangu, i ku txithumi txako, a fite. Kambe awe wa tiziva ti to txithumi txako, txi ti ti ni txithavo ka Mkoma, se awule a ngadi ni mnandu kwakwe a ti ta teka vanana vangu vavambidi, kuya va maha tikhumbi takwe.

Nehemiya 5:3

Kambe ku ti ni va va nga ti ti kha vona: Tithembwe tathu, mivhinya yathu ni tinyumba tathu hi lombisile, kasi ku hi txi teka fulaho ka nzala yiya.

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Genesisi 47:19

Ina u na hi leka hi txi fa kona hawa masoni kwako, ni tithembwe tathu ti txi luza kani? Hi xave athu ni tithembwe tathu u txi hi ninga sakudya, hi na maha tikhumbi ta Faro. Aniko hi he mbewu kasi hi na hanya, hi si fi, ni ditiko di si mahi txiwula.”