Nehemiya 5:10 - Bhiblia Yo Sawuleka

¹⁰ Hambi ani, ni vanathu ni vafana vangu, hi va lombile male ni fulaho. A hi lekeni dibhindu diya.

Nehemiya 5:10 Referans Kwoze

2 Vakorinto 6:1

Se athu hi thumisanako ni Txizimu, ha mi khongotela kasi ku mi si amukeli walo kateko ya txona.

2 Vakorinto 5:20

Athu hi sirumwa sa Kristu, Txizimu ngu txona txi mi layako ngu ngathu. Ngu toneto, ha mi khongotela ngu ditina da Kristu: Kombelani divalelo ka Txizimu.

2 Vakorinto 5:11

Ngu konaho, ngako hi zivako kuthisa ka Mkoma, ha khongotela ti to vathu ve kholwa ka Txizimu, txona txa tiziva kha kwati ati hi nga zumbisa tona, kambe na kholwa ti to ha zivaneka kha kwati ni kona livhaloni kwanu.

Mika 2:1

Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe!

Ezekhiyele 18:13

a zumbako ni siya so lombwa, a amukelako so tala, ina a nga hanya kani? Kha na mbi hanya! Otshe manyala awa a ma mahile, ngu ditshuri a na fa; mnoha wakwe wu na va txitimwi kwakwe.

Ezekhiyele 18:8

asi ningeliko male yakwe ngu kubhindulisa, asi amukeli ngu kupindisa, a vayilelisako dianza dakwe ka kwa mbi lulama, a lamulako m'thu ngu kululama masoni ka mmwani m'thu;

Masalmo 15:5

awule a txenekisako male yakwe asi lavi dibhindu, hambi awule asi tumeliko kuxavelelwa kasi kuninga mnandu m'thu wo mbi na txionho. Awule a mahako tona eto kha na mbi va ni kurereka.

Nehemiya 5:7

Se ni to alakanya mbiluni kwangu; ngu msana, ni to lwa ni sikhumukani ni valamuli, ni va gela tiya: Mmwani ni mmwani a nga bhindule ngu ka mwanawe. Aniko ni to va rambela msengeletano wa hombe.

Nehemiya 5:9

Ni engeta ni txi khani: Hi nga ta tinene ti mi ti mahako! Ina kha mi faneli kuthava Txizimu txathu, ngu mhaka ya tingana ta vamatiko, i ku valala vathu, kani?

Nehemiya 5:11

Na mi kombela, va tshumeteleni nyamsi tithembwe tawe, mivhinya yawe, miolivha yawe ni tinyumba tawe, ni male ya mpimo wa dizana, ni fulaho, ni dosi, ni mtona, asile anu mi va vilako.

Isaya 58:6

Ina hi nga kona kutitona ku ni nga ku sawula: Kaku u txhatxha mabhanditxhi a wuonhi, u txhatxha tingoti to sunga dikange; ni ti to u va leka va di txhatxhekile vale vo xaniswa, u phatulela dotshe dikange dawe kani?

Dhewuteronome 15:2

Mamahelo a kona ngu awa: Mmwani ni mmwani a nga txenekisa tximaha txokari ka mkwawe, a na m'divalela; kha na mbi m'vila mwakelani wakwe, hambi mwanawe, nguko kuhuweletwe mthetho wa kudivalela, ngu ditina da Mkoma.

Nehemiya 10:32

Kambe hi ti emisete mlayo, hi sunga ti to dilembe ni dilembe hi na ningela ka Nyumba ya Txizimu txathu, txipande txa wuraru txa dixekele dimwedo;

Ezekhiyele 18:7

asi xuphi ni m'thu mmweyo, a tshumetako ka nyamne asile a nga vekisa ngu sona, asi piko, a ningako sakudya ka wule a ku ni nzala, e ambeka wule i ku tximbwiri;