Nehemiya 4:7 - Bhiblia Yo Sawuleka

⁷ Se mbimo yile Sambalati, ni Tobhiya, ni Vaarabhi, ni va ka Amoni, ni va ka Asidhodhe va nga tiengisa taku mthumo wo longisa maguma a Jerusalema wu ya masoni, va to henya ngutu.

Nehemiya 4:7 Referans Kwoze

Nehemiya 4:1

Se ku to maheka tito, Sambalati a di ti pfite to ha aka diguma, a to tura ngu txiviti, e henya ngutu, aniko a to tseketsela Vajudha.

Nehemiya 2:10

Se mbimo yile Sambalati, Muhoroni, ni Tobhiya txithumi, Muamoni, va nga pfa ti to ku ni m'thu wokari, a telako ku ta vhuna vanana va ka Israyeli, va to karateka ngutu.

Mtuletelo 12:17

Mwamilambo a di tate ngu txiviti ngu mhaka ya wamsikati, a to tsula a txi yalwa ni va va nga ti sate va liveleko lakwe, ava va veketako sirumo sa Txizimu, ve xayisa wufakazi wa Jesu.

Mithumo 5:33

Ngako va dibanza va txi engisa mapswi awa, va to henya ngutu, se ve langana makungo a ku va daya.

Amosi 1:13

Mkoma a womba tiya: Ngu kuhambunyeta kuraru ka vanana va ka Amoni ni ka wumune, kha ni na mbi thavisa txitsayiso, nguko va dolete sirumbu sa Gileyadhi, kasi kuve engetela mihingano yawe.

Jeremiya 25:20

ni vawuyi va kona; ni vafumeli votshe va ditiko da Uzi, ni votshe vafumeli va ditiko da Vafilista, ni Axikeloni, ni Gaza, ni Ekroni, ni votshe va nga sala Asidhodhi

Amosi 1:8

Kambe ni na heta va va zumbako Asidhodhe, ni wule a ku ni ndonga ya Asikaloni, se ni tshumeta dianza dangu di txi ya ka Ekroni; se Vafilista va va no sala va na lova, kuwomba Mkoma Txizimu.

Nehemiya 2:19

Se mbimo yile a nga tiengisa Sambalati, Muhoroni, ni Tobhiya, txithumi txa Muamoni, ni Gesemi, Muharabhi, va to hiseka, ve hi txhipisa, va txi kha vona: Nda txani tona ti mi mahako kani? Mo lava kuwukela mfumeli kani?

Ezra 5:8

Ti na zivaneke ka mfumeli taku athu hi tsute ka ditiko da ka Judha, ka Nyumba ya Txizimu txa hombe, yi akwako ngu marigwi a hombe, se ka vekwetelwa mapulango txitimwi ka maseta; se mthumo wa kuluvetiswa ngu manza awe.

2 Makronika 20:1

Msana keto, vanana va ka Mowabhi ni vanana va ka Amoni ni vamwani Vaamoni va to lwa ni Josafati.

2 Vafumeli 24:2

Se Txizimu txi to rumela Vakaldheya kuya lwisa Jehoyakimu, ni masotxhwa a Vasiro, ni masotxhwa a va ka Mowabhi, ni masotxhwa a vanana va Amoni; a to va rumela kuya lwisa Judha, kasi kuya va fuvisa, madingano ni dipswi dile Mkoma a nga ngadi womba, ngu mthumoni ka sithumi sakwe, i ku vaprofeti.

1 Samuwele 11:2

Aniko Nahasi Muamoni a to va gela tiya: Ni na maha txitumelelano ni nanu, ka zumbelo yiya: Ngako mi txi mmweyo ni mmweyo kwanu e xokola diso da txinene, ngu kumaha keto ni veka etxo txiruko txitimwi ka votshe va ka Israyeli.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Amosi 3:9

Pfalisani tiya ka tinyumba ta wukoma ta Asidhodhi, ni ka tinyumba ta wukoma ta ditikoni ka Egipta, mi txi khanu: Sengeletanani mimangoni ka Samariya, mi wona pfilu-pfilu ya hombe hagari ka dona, ni vale va xaniswako ka dona.

Nehemiya 4:6

Ngu kumaha keto, hi akile diguma, ka dotshe diguma, ku to bhiywa hafu ya diguma; nguko timbilu ta vathu ti ti ningetete amu ko thuma.

Nehemiya 4:8

Votshe vava, va to patana ve wukela Jerusalema, ni kuwusa vhilinganya.

Nehemiya 6:16

Se ku to maheka tito, va di ti pfite valala vathu votshe, ni votshe vamatiko, vale va nga ti hi ranganyetile, va to dhuka, ve godhola ngutu masoni kwawe; nguko va ti zivile ti to Txizimu txathu ngu txona txi nga maha mthumo wuwa.

Jeremiya 41:10

Se Ismayeli a to tsulisa wukhumbini votshe vathu vale va nga ti sate Misipa; i ku vanana va txisikati va mfumeli, ni votshe vathu vale va nga ti sate Misipa, evo Nebhuzaradhani, mthangeli wa vawoneleli, a nga ti va site ni Gedhaliya, mwana Ahikamu, Ismayeli, mwana Netaniya, a to va tsulisa wukhumbini; a to tsula navo ka vanana va Amoni.